ކުޅުދުއްފުށީ ސިޓީގައި ހުރި ގެއެއްގައި ރޭ އަލިފާން ރޯވެ، އެ ގެ އެއްކޮށް އަނދައި ހުލިވެއްޖެއެވެ.
މި ހާދިސާ ހިނގީ ރޭ ގާތްގަނޑަކަށް 21:13 ހާއިރު 'ސަމޭދާން' ނަމަކަށް ކިޔާ ގެއްގައެވެ.
މި ގޭގައި ދިރިއުޅެނީ ދެ ފިރިހެނުންނެވެ. އެހެންނަމަވެސް، އަލިފާން ރޯވި ވަގުތު ގޭގައި އެއްވެސް މީހަކު ނޫޅޭކަމަށް މައުލޫމާތު ލިބެއެވެ. އަދި މި ހާދިސާގައި އެއްވެސް މީހަކަށް އަނިޔާވެފައެއް ނުވެއެވެ.
ރޯވެފައިވާ އަލިފާންގަނޑު އެމްއެންޑީއެފް ނޮދަން އޭރިއާ ކޮމާންޑްގެ ފަޔަރ ފައިޓަރުންނެވެ. ސިފައިންނަށް އަލިފާންގަނޑު އެއްކޮށް ނިވާލެވުނީ ގާތްގަނޑަކަށް 22:25 އެހާއިރުއެވެ. މި ހާދިސާގައި ހާލުގައި ޖެހުނު ދެ މީހުންނަށް ވަގުތީ ހިޔާވަހިކަން ހަމަޖެއްސުމުގެ މަސައްކަތް ކުޅުދުއްފުށީ ސިޓީ ކައުންސިލުން ކުރަމުންދާކަމަށް އެ ކައުންސިލުން މައުލޫމާތު ލިބިފައިވެއެވެ.
ފާހަގަކޮށްލެވޭ ކަމަކީ، މިއަހަރުގެ މާރޗު މަހުގެ ތެރޭގައި މި ގެއާ ޖެހިގެން ހުރި 'ސިގްނަލް' ނަމަކަށް ކިޔާ ގޭގައިވެސް އަލިފާން ރޯވެ އަނދައިފައިވާކަމެވެ.
