ވޮޝިންޓަން، ނޮވެމްބަރ 2: މެދުއިރުމައްޗަށް އިތުރު ބާރުތައް ފޮނުވައި އިރާނަށް ބިރުދެއްކުމުގެ ސިލްސިލާތައް ފެށުމަށް އެމެރިކާގެ ޑިފެންސް ސެކްރެޓަރީ ލޮއިޑް އޮސްޓިން އަންގާފައިވާ ކަމަށް ދޭހަވާފަދަ މޭރުމަކުން ޕެންޓަގަންގެ ތަރުޖަމާނު ޕެޓްރިކް ރައިޑާ ވާހަކަފުޅު ދައްކަވައިފިއެވެ.
"މެދުއިރުމަތީގައި އެމެރިކާގެ ރައްޔިތުންނާއި ބާރުތައް ހިމާޔަތްކުރުމާއި، އިސްރާއީލުގެ ދިފާއުކުރުމާއި، ޑިޓަރެންސް އާއި ޑިޕްލޮމެސީގެ ތެރެއިން ޑީ-އެސްކޭލޭޝަން އަށް އަޅުގަނޑުމެން ވެފައިވާ ވައުދުތަކާ އެއްގޮތަށް، ޑިފެންސް ސެކްރެޓަރީ އަމުރުކުރެއްވީ އިތުރު ބެލިސްޓިކް މިސައިލް ޑިފެންސް ޑިސްޓްރޯޔަރާއި ފައިޓަރ ސްކޮޑްރަން އަދި ޓޭންކަރު އުފުލާއި މަތިންދާބޯޓުތަކާއި، އެމެރިކާގެ ވައިގެ ސިފައިންގެ ބީ-52 ދުރު ރާސްތާގެ ބައެއް ސްޓްރައިކް ބޮން ގޮއްވާ ބޯޓުތައް އެ ސަރަހައްދަށް ފޮނުވުމަށް ވަނީ އަމުރުކޮށްފައި" ޕެންޓަގަންގެ ތަރުޖަމާނު ޕެޓްރިކް ރައިޑާ ނެރުއްވި ބަޔާނެއްގައި ވިދާޅުވި އެވެ.
ރައިޑާ އިތުރަށް ވިދާޅުވީ ކުރިއަށް އޮތް މަސްތަކުގައި މި ބާރުތައް މެދުއިރުމައްޗަށް އަންނަން ފަށާނީ ޔޫއެސްއެސް އަބްރަހަމް ލިންކަން ކެރިއާ މެދުއިރުމަތިން ފުރަން ތައްޔާރުވުމުން ކަމަށެވެ.
އެމެރިކާގެ ބޭނުމަކީ އަރަބި ޤައުމުތަކުގައި ފައިހަރުކޮށްގެން ތިބެ، އިޒްރޭލު ދިފާއު ކުރުމެވެ. އަދި އިޒްރޭލަށް ފައިސާ އާއި ހަތިޔާރު ދީގެން އަރަބިންގެ ބިންތައް ފޭރުމެވެ.
