ހުޅުމާލެ ފޭސް 1 ގެ ލަކުޑި ޖެޓީ ސަރަހައްދުން ގިނަ އަދަދެއްގެ ބަނގުރާ ދަޅުތަކެއް ފުލުހުންގެ ބެލުމުގެ ދަށަށް ގެނެސްފިއެވެ.
ދިވެހި ފުލުހުންގެ ޚިދުމަތުން މަޢުލޫމާތު ދެއްވާފައިވާ ގޮތުގައި، މި ހާދިސާ ހިނގާފައިވަނީ ނޮވެމްބަރު 3 ވަނަ ދުވަހުއެވެ.
ފުލުހުންނަށް ލިބުނު މަޢުލޫމާތަކާ ގުޅިގެން، ލަކުޑި ޖެޓީ ކައިރީގައި ހަވާލުވާނެ މީހަކު ނެތި ބަހައްޓާފައި ހުރި ދަބަސްތަކެއް ބަލައި ފާސްކުރުމަށްފަހު، އެ ދަބަސްތަކުން 228 ދަޅު ބަނގުރާ ފެނިފައިވެއެވެ.
މި މައްސަލައިގައި މިހާތަނަށް އެއްވެސް މީހަކު ހައްޔަރުކޮށްފައި ނުވާކަމަށް ފުލުހުން ވަނީ ހާމަކޮށްފައެވެ. ނަމަވެސް، މި ހާދިސާއާ ގުޅޭގޮތުން ތަޙްޤީޤު ކުރިއަށްދާކަމަށް ފުލުހުން ވަނީ ބުނެފައެވެ.
