އާއިލީ ގޮތުން ގުޅުންއޮތް ކުޑަކުއްޖަކަށް ޖިންސީ ގޯނާކުރި މައްސަލައެއްގައި ކުއްވެރިވި މީހަކު 20 އަހަރަށް ޖަލަށްލުމަށް ކްރިމިނަލް ކޯޓުން ޙުކުމްކޮށްފިއެވެ.
މި މައްސަލައިގައި ކުށްވެރިވެފައިވަނީ ޙުސައިން ޢަލީފް ކަމަށް ބަޔާންކޮށްފައިވެއެވެ.
ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނުގެ 15 ވަނަ މާއްދާގެ ދަށުން، ޢާއިލާގެ ކުޑަކުއްޖަކާއެކު ޖިންސީ ޢަމަލެއް ހިންގުމުގެ ކުށުން ޢަލީފް ކުށްވެރިވާކަމަށް ކޯޓުން ކަނޑައަޅާފައިވެއެވެ.
ޤާނޫނުގައިވާ ގޮތުން، ޢާއިލާގެ ކުޑަކުއްޖަކާއެކު ޖިންސީ ޢަމަލެއް ހިންގާ ފަރާތްތަކަށް 20 އަހަރާއި 25 އަހަރާ ދެމެދުގެ މުއްދަތަކަށް ޖަލު ޙުކުމެއް ކަނޑައެޅިދާނެއެވެ.
މި މައްސަލައަކީ ކުޑަކުއްޖެއްގެ މަޞްލަޙަތު ހިމެނޭ މައްސަލައަކަށްވާތީ، އެ ކުއްޖާގެ ކާކުކަން އަންގައިދޭ އެއްވެސް މަޢުލޫމާތެއް ކޯޓުން ހާމަކޮށްފައެއް ނުވެއެވެ.
