އެއްގަމު ދަތުރުފަތުރުގެ ގާނޫނާއި ގަވާއިދުތަކާ އެއްގޮތަށް އުޅަނދު ދުއްވުމަށް ހިތްވަރުދިނުމަށާއި އެކަމަށް ހޭލުންތެރިކުރުމަށް ހާއްސަ ހަރަކާތެއް މިލަންދޫ ޕޮލިސް ސްޓޭޝަނުން ކުރިއަށް ގެންގޮސްފިއެވެ.
އިއްޔެ ކުރިއަށް ގެންދިޔަ މި ހަރަކާތުގައި ރަށުގެ އެކި ސަރަހައްދުން އެއްގަމު އުޅަނދު ހުއްޓުވައި، ގާނޫނާއި ގަވާއިދުތަކާ އެއްގޮތަށް އުޅަނދު ދުއްވާތޯ ބަލާފައިވެއެވެ.
އަދި ގާނޫނާއި ގަވާއިދުތަކާ އެއްގޮތަށް، އުޅަނދުގައި ހުންނަންޖެހޭ ހުރިހާ ކަމެއް ފުރިހަމަކޮށްގެން އުޅަނދު ދުއްވި ފަރާތްތަކަށް، އެކަން ފާހަގަކުރުމުގެ ގޮތުން ހަދިޔާއެއް ގޮތުގައި ދެ ލީޓަރުގެ ޕެޓްރޯލް ލިބޭ ގިފްޓް ވައުޗާއެއް ދީފައިވެއެވެ. އަދި ގަވާއިދާ ހިލާފަށް އުޅަނދު ދުއްވި ފަރާތްތަކަށް އެކަންކަން ރަނގަޅުކުރުމަށް ނަސޭހަތްތެރިވެފައިވާ ކަމަށް ފުލުހުން ބުންޏެވެ.
މީގެއިތުރުން މި ހަރަކާތުގައި ދިން ހަދިޔާއަކީ، ކުށްމަދުކުރުމަށާއި އަމާން ރައްކާތެރި މުޖުތަމައެއް ބިނާކުރުމަށް މިލަންދޫގައި ފުލުހުން ކުރަމުންދާ މަސައްކަތަށް އެހީތެރިވުމުގެ ގޮތުން ރަށުގެ ވިޔަފާރިވެރިން ފޯރުކޮށްދެއްވި އެހީއެއް ކަމަށާއި މި ހަރަކާތް ކޮންމެ މަހަކު ވެސް ކުރިއަށް ގެންދިއުމަށް ވަނީ ހަމަޖެހިފައިވާ ކަމަށްވެސް ފުލުހުން ބުނެފައުވެއެވެ.
