ރައީސުލްޖުމްހޫރިއްޔާގެ ނައިބު އަލްއުސްތާޒު ހުސައިން މުހައްމަދު ލަތީފް، ކުޅުދުއްފުށީ ސިޓީއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު ރޭ މާލެ ވަޑައިގަންނަވައިފިއެވެ.

ނައިބު ރައީސްގެ މި ދަތުރުފުޅުގައި އެމަނިކުފާނު ވަނީ "ހަށިހެޔޮ ރާއްޖެ" މި ޕްރޮގްރާމް އިފްތިތާހުކޮށްދެއްވާފައެވެ. "ހަށިހެޔޮ ރާއްޖެ" އަކީ ސްޕޯޓްސް ކައުންސިލަރސް އަދި ޔޫތް އެސޯސިއޭޓުން ތަމްރީނުކުރުމަށް މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަނުން އިސްނަގަވައިގެން ކުރިއަށްގެންދާ ހަރަކާތެކެވެ.

މިގޮތުން މިއަދު މި އިފްތިތާޙުކުރެއްވި ޕްރޮގްރާމަކީވެސް މި ސަރުކާރުގެ ހަފުތާ 14ގެ ވައުދުތަކުގައި ހިމެނޭ، މޮޅެތި އެތުލީޓުން އުފެއްދުމާބެހޭ ދިގު ރާސްތާގެ ޕްރޮގްރާމް ފަރުމާކުރުމުގެ ސިޔާސަތުގެ ތެރެގައި ހިމެނޭ ކަމެކެވެ.

އަދި މިކަމަކީ މީހުން ބިނާކުރުމާއި ތަމްރީނުކުރުމަކީ ގައުމުގެ ކުރިމަގު އުޖާލާކުރުމަށް ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ގެންގުޅުއްވާ ހަރުދަނާ ސިޔާސަތުތަކުގެ ތެރޭގައިވެސް ހިމެނޭކަމެކެވެ.

އިތުރު ލިޔުންތައް ނައިބުރައީސް ހުސައިން ލަތީފް ރައީސް އޮފީސް