ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ގެ ކުރިއަށް އޮތް ފަސް އަހަރަށް އަމާޒުކޮށް އެކުލަވާލާފައިވާ ސްޓްރެޓެޖިކް އެކްޝަން ޕްލޭން އިފްތިތާހުކޮށްފިއެވެ.
މި ޕްލޭން އިފްތިތާހުކޮށްފައިވަނީ އާރުޑީސީގެ އަހަރީ ދުވަސް ފާހަގަކުރުމަށް ބޭއްވުނު ސްޓާފް ނައިޓުގައެވެ.
އިމާރާތްކުރުމާއި ބިނާރާ ބެހޭ ވުޒާރާގެ ސްޓޭޓް މިނިސްޓަރ ހަސަން ރަޝީދު އިފްތިތާހުކޮށްދެއްވި މި އެކްޝަން ޕްލޭނާ ގުޅޭ އަތްމަތީ ފޮތެއްވެސް ވަނީ ނެރެފައެވެ.
އާރުޑީސީން މަޢުލޫމާތު ދިންގޮތުގައި މި ހިނގާ އަހަރުން ފެށިގެން ކުރިއަށް އޮތް ފަސް އަހަރަށް އަމާޒުކޮށް ތައްޔާރުކޮށްފައިވާ މި އެކްޝަން ޕްލޭނުގެ މައިގަނޑު މަޤްޞަދަކީ، ކޯޕަރޭޝަންގެ ތަޞައްވުރަށް ވާޞިލުވުމަށްޓަކައި އެކަށައެޅިފައިވާ އަމާޒުތަކަށް މަސައްކަތްކުރުމުގެ ސާފު މަގުޗާޓެއް އެކުލަވާލުމެވެ.
މި ޕްލޭނުގައި އިސްކަންދޭ މައިގަނޑު ފަސް ދާއިރާއެއް ހިމެނެއެވެ. އެއީ:
- ކޯޕަރޭޝަންގެ އިދާރީ އޮނިގަނޑު އިޞްލާޙުކުރުން
- ސްޓޭކްހޯލްޑަރުންގެ އިތުބާރު ދެމެހެއްޓުން
- ކުންފުނީގެ ޤާބިލުކަން އިތުރުކުރުން
- ކޯޕަރޭޝަންގެ ވިޔަފާރި ފުޅާކޮށް ސިންދަފާތުކުރުން
- މާލީ ތަނަވަސްކަން އެންމެ ފުރިހަމައަށް ހޯދުމަށް ކުރަންޖެހޭ ކަންކަން ތަރުތީބުކޮށް ތަންފީޒުކުރުން
މީގެއިތުރުން، ސްޓާފް ނައިޓުގައި ބައިނަލްއަޤްވާމީ އަދި ޤައުމީ ފެންވަރުގެ މަތީ ވަނަތައް ހާސިލުކުރި މުވައްޒަފުންނާއި، ވޭތުވެދިޔަ އަހަރު އެކި ގޮތްގޮތުން ފާހަގަކުރެވުނު މުވައްޒަފުންގެ އަގުވަޒަންކޮށް ހަނދާނީ ފިލާ ދީފައިވެއެވެ.
އާރުޑީސީން ތޮޑޫގެމަގުހަދަންފަށަނީ ކޮންއިރަކުން