ޣިޔާޘުއްދީން އިންޓަރނޭޝަނަލް ސްކޫލުގެ 60 ދަރިވަރުންނަށް އަމާޒުކޮށްގެން މޯލްޑިވްސް ޕޯޓްސް ލިމިޓެޑް (އެމްޕީއެލް) ގައި އިންޓަރެކްޓިވް ފީލްޑް ޓްރިޕެއް ކުރިއަށް ގެންގޮސްފިއެވެ.
ސަރަހައްދީ ބަނދަރުގައި ކުރިއަށް ގެންދިޔަ މި ފީލްޑް ޓްރިޕްގައި ދަރިވަރުންނަށް ބަނދަރުގެ މަސައްކަތްތަކާއި، މުދާ އަރުވައި ބޭލުމުގެ ކަންތައްތަކާ ގުޅޭ މަޢުލޫމާތު ދެވުނެވެ.
މި ދަތުރުގައި ދަރިވަރުންނަށް ވެލިއު އެޑިޝަން، ލޭބަރ ޑިވިޝަން، ޕަބްލިކް ސެކްޓަރުގެ ދައުރު، ޓެކްނޮލޮޖީ އަދި ދެމެހެއްޓެނިވި ގޮތެއްގައި މަސައްކަތް ކުރުން ފަދަ ކަންކަމާ ގުޅޭ ޢަމަލީ ތަޖުރިބާ ފޯރިކޮށްދެވުނުކަމަށް އެމްޕީއެލްއިން ވިދާޅުވިއެވެ. މިއީ ކްލާސްރޫމްގައި ކިޔަވައިދޭ ފިލާވަޅުތައް ޢަމަލީ މައިދާނުގައި ބޭނުންކުރެވޭ ގޮތް ދަރިވަރުންނަށް ދައްކައިދިނުމަށް ކުރިއްށް ގެންގޮސްފައިވާ ދަތުރެކެވެ.
