ކޮލަމްބޯ (ނޮވެމްބަރު 8) - ލަންކާއިން އެގައުމުގެ ދަށް އާމްދަނީ ލިބޭ އާއިލާތަކަށް އަމާޒުކޮށް 1،996 ހައުސިންގ ޔުނިޓް ވެރިރަށް ކޮލަމްބޯގައި އެޅުމަށް ނިންމައިފިއެވެ.
ލަންކާ ސަރުކާރުން ހާމަކުރައްވާފައިވާ ގޮތުގައި މި މަޝްރޫޢުއަށް ފައިނޭންސް ކޮށްދެނީ ޗައިނާ ސަރުކާރުންނެވެ.
ކެބިނެޓްގެ ނިންމުންތައް ތަފްސީލުކޮށްދެއްވައި ބޭއްވި ނޫސްވެރިންގެ ބައްދަލުވުމެއްގައި ކެބިނެޓް ސްޕޯކްސް ޕާސަން ވިޖީތާ ހިރާތު ވިދާޅުވީ ހައުސިން ޔުނިޓްތައް އަޅާނީ ވެރިރަށް ކޮލަމްބޯގެ ތިން ސަބަރބްގައި ކަމަށެވެ.
ކުރީގެ ސްޓޭޓް މިނިސްޓަރު އޮފް އާބަން ޑިވެލޮޕްމަންޓް އެންޑް ހައުސިން ތެނޫކާ ވިދާނަގަމާގޭ މިދިޔަ އަހަރު ވިދާޅުވެފައި ވަނީ ލަންކާގެ 789،242 އާއިލާއަކީ ދާއިމީ ބޯހިޔާވަހިކަމެއް ނެތް އާއިލާތަކެކެވެ.
