އދ. ދިގުރަށް ކައިރީގައި މިއަދު ހެނދުނު ދޯންޏެއްގެ ބުރަފަތީގައި ޖެހި، ލިބުނު ޒަޚަމްތަކުގެ ސަބަބުން މަރުވީ ސިންގަޕޫރު ކުއްޖެއްކަން ކަށަވަރުވެއްޖެއެވެ.
ފުލުހުން ވިދާޅުވީ މަރުވި ކުއްޖާއަކީ ވޭލް ޝާކް ރިސަރޗް ދަތުރެއްގައި ރާއްޖެ އައި ކުއްޖެއް ކަމަށެވެ. އަދި އެކުއްޖާ މަރުވީ ރިސަރޗް ހަދަން ދޯނިން ފުންމާލި ވަގުތު، ދޯނީގެ ބުރަފަތީގައި ޖެހުމުގެ ސަބަބުން ލިބުނު ޒަޚަމްތަކުގެ ސަބަބުން ކަމަށް ދިގުރަށު ހެލްތު ސެންޓަރުން ވިދާޅުވާ ކަމަށެވެ. ހެލްތު ސެންޓަރަށް ދަރިވަރު ގެނައިރުވެސް، ފުރާނަ ނެތް ކަމަށް ހެލްތު ސެންޓަރުގެ ޑޮކްޓަރުންނާ ހަވާލާދީ ފުލުހުން ވިދާޅުވިއެވެ.
މި ހާދިސާއާ ގުޅިގެން ބަލަންޖެހޭ ކަންކަން ފުލުހުން މިހާރު ގެންދަވަނީ ބައްލަވަމުންނެވެ.
