އެމެރިކާގެ ސައުތު ކެރޮލައިނާ ސްޓޭޓްގައި މެޑިކަލް ރިސާޗުގެ އޮބި އަޅައިގެން ގެންގުޅު ރާމާމަކުނުތަކެއް ފިލައިފިއެވެ. މި ހާދިސާ ހިނގި ޔަމަސީ ޓައުންގެ ފުލުހުން ރައްޔިތުންނަށް އަންގާފައި ވަނީ ގޭގެ ދޮރުތަކާއި ކުޑަ ދޮރުތައް ބަންދުކޮށްގެން ރައްކާތެރި ފިޔަވަޅު އަޅައިގެން ތިބުމަށެވެ.
ފިލާފައި ވަނީ ޖުމުލަ 43 މަކުނެވެ.
ފުލުހުން ބުނަނީ މިއީ އެއްވެސް ބައްޔެއް ޖެހިފައި ނުވާ، އަދި ގެއްލުމެއް ނެތް މަކުނުތަކެއް ކަމަށެވެ. ނަމަވެސް ރައްޔިތުން ސަމާލު ވުމަށެވެ!
އެ ސޮރުމެން ފިލައިގެން ދިޔައީ، ރައްކާތެރިކަމާއެކު ކޮށި ބަންދުކުރުމުގައި މުވައްޒަފު އިހުމާލުވުމުން ކަމަށް ލެބުން ބުނެފައި ވެއެވެ.
ފުލުހުން ބުނެފައި ވަނީ މި މަކުނުތަކަކީ އަންހެން މަކުނުތަކެއް ކަމަށާއި، ބަރުދަނުގައި ގާތްގަނޑަކަށް 3 ކިލޯ ހުންނަ، ޒުވާން، އަދި ޓެސްޓްތަކުގައި އަދި ބޭނުންކޮށްފައި ނުވާ މަކުނުތަކެއް ކަމަށެވެ.
