ކާބޯތަކެތީގެ ބާވަތްތައް ރާއްޖެއަށް އެތެރެކޮށް، ވިއްކައި އަދި މާކެޓްކުރުމުގައި ނަން މަޝްހޫރުވެފައިވާ ކޮސްމޯޕޮލިޓަންގެ ފިހާރައެއް ހުޅުމާލޭ ފޭސް 2ގައި ހުޅުވައިފިއެވެ.
ކާބޯތަކެއްޗާއި ބުއިންތައް ވިއްކާ މި ފިހާރަ ހުޅުމާލޭ ފޭސް 2 ގައި ހުޅުވުމާ ގުޅިގެން، އެ ސަރަހައްދުގައި ދިރިއުޅޭ ފަރާތްތަކަށް ފާހަގަކުރެވޭ ފަދަ ލުއިފަސޭހަކަމެއް ލިބިގެންދާނެއެވެ. މީގެ ސަބަބުން، އެ ސަރަހައްދުގެ ރައްޔިތުންނަށް ފެންވަރު ރަނގަޅު ކާބޯތަކެތި ފަސޭހަކަމާއެކު ލިބެން ހުންނާނެއެވެ. މިއީ ގިނަ ރައްޔިތުން އެދެމުން އައި ކަމެކެވެ.
މި ފިހާރައިގެ ޚާއްޞަ ކަމެއްގެ ގޮތުގައި ފާހަގަކޮށްލެވެނީ ހޯލްސޭލް އަދި ރީޓެއިލް އުސޫލުން މުދާ ވިއްކުމަށް ހަމަޖެހިފައިވާ ކަމެވެ. މިކަމުގެ ސަބަބުން ވިޔަފާރިވެރިންނާއި އާންމު ފަރުދުންނަށް މި ފިހާރައިން ޚިދުމަތް ލިބިގެންދާނެއެވެ.
ކޮސްމޯޕޮލިޓަންގެ މި އައު ފިހާރަ ހުންނަނީ ހުޅުމާލޭ ފޭސް 2 ގެ ވިނަރެސް ފްލެޓް ވީ6 ގެ ތިރީ ބައިގައެވެ. ފިހާރަ ހުޅުވިފައި ހުންނާނީ ކޮންމެ ދުވަހެއްގެ ހެނދުނު 9:00 އިން ރޭގަނޑު 7:00 އަށެވެ. ފިހާރައާ ގުޅޭ އިތުރު މަޢުލޫމާތު ހޯއްދެވުމަށް 7635353 އަށް ގުޅުއްވުން އެދެމެވެ.
ހުޅުމާލޭ ފޭސް 2 ގައި ދިރިއުޅޭ ފަރާތްތަކަށް މިހާރު ފަސޭހަކަމާއެކު ފެންވަރު ރަނގަޅު ކާބޯތަކެތި ލިބުމުގެ މަގު ތަނަވަސްވުމާއެކު، އެ ސަރަހައްދުގެ ދިރިއުޅުމުގެ ފެންވަރު އިތުރަށް ރަނގަޅުވެގެންދާނެ ކަމަށް ލަފާކުރެވެއެވެ.
