ޒަޔަނިސްޓު ޔަހޫދުންގެ ފުލުހުންގެ ވަޒީރުގެ ސުލޫކު ބަދަލު ނުކޮށްފިނަމަ އޭނާ މަގާމުން ވަކި ކުރުމަށް އަންގާނެ ކަމަށް ޔަހޫދުންގެ ބަންޑާރަ ނާއިބް އަންގައިފިއެވެ. އިޒްރޭލުގެ ބަންޑާރަ ނާއިބް ގާލީ ބަހަރާވް މިއާރާ ބުނެފައި ވަނީ މުޒާހަރާ ކުރާ އާންމުންނާ ދެކޮޅަށް ބާރުގެ ބޭނުން ކުރުމަށް ހައްދުފަހަނަޅާފައިވާ ހަރުކަށި ތާކިހާ އެޅި ވަޒީރު ބެންގްވީރު އަންގަނީ ގާނޫނާ ޚިލާފަށް ކަމަށެވެ.
2023ގެ މާޗް މަހު އޭނާއަށް އެގޮތަށް އަމަލު ނުކުރުމަށް ކޯޓުން އަންގާފައިވާ އެންގުމާ ތަކުރާރުކޮށް އޭނާ ޚިލާފްވާކަމަށް ބަންޑާރަ ނާއިބް ބުނެއެވެ. އަދި ކޯޓަށް އޭނާއާ ދެކޮޅަށް މައްސަލަ ވެއްދުމުގެ ކުރިން 7 ދުވަސް ތެރޭގައި ސަރުކާރުން އެމައްސަލާގައި ޖަވާބުދާރީ ވުމަށް ބަންޑާރަ ނާއިބް ވަނީ އަންގާފައެވެ.
ބެން ގްވީރު ބުނަނީ އިޒްރޭލުގެ ބަންޑާރަ ނާއިބާއި މި ވާހަކަ ތަފްސީލުކޮށް ރިޕޯޓު ކުރި ޗެނަލް13 އިން، އޭނާއާއި ސަރުކާރާ ދެކޮޅަށް މަސައްކަތް ކުރަނީ ކަމަށެވެ.
ޔަހޫދުންގެ އެތެރޭގައިވެސް ދަނީ ކޯޅެމުންނެވެ. ސަރުކާރާ ރައްޔިތުންވެސް ދަނީ ކޯޅެމުންނެވެ. މުއައްސަސާތައްވެސް ދަނީ އެއްބަޔަކު އަނެއް ބަޔަކަށް ކޯޅެމުންނެވެ.
