އަންހެނުންނާއި ބެހުމާއި ރޭޕުކުރުމުގެ ކުށްތައް އިތުރުވަމުން ދިއުމުގެ ސަބަބުން، ތާލިބާނުގެ ސިޔާސަތުން އިބްރަތް ލިބިގަތުމަށް ބީޖޭޕީން ވެރިކަން ކުރާ އިންޑިއާގެ އުއްތްރަ ޕްރަދޭޝްއިން ނިންމައިފިއެވެ.
ބީޖޭޕީން ވެރިކަން ކުރާ އުއްތުރަ ޕްރަދޭޝްއިން ނިންމާފައި ވަނީ، އަންހެނުންގެ ހެދުން ފަހައި ދިނުން ފިރިހެނުންނަށް މަނާކޮށް، ފިރިހެނުން އަންހެނުންގެ ހެދުމަށް ފެހުމަށް މިންއެޅުންވެސް މަނާކޮށްފައެވެ. އޭގެ އިތުރުން، ޖިމްތަކާއި ޔޯގާ ސެންޓަރުތަކުގައި އަންހެނުން ތަމްރީނު ކުރުމުގައި ފިރިހެނުން ތިބުންވެސް މަނާކޮށްފައި ވެއެވެ.
އަންހެނުންގެ ކޮމިޝަނުން ވަނީ އިއްތިފާގުން މިފިޔަވަޅު އެޅުމަށް ނިންމާފައެވެ.
އަންހެނުންގެ ހައްގުތަކަށް ބަލައި، ނޭޝަނަލް ކޮމިޝަން ފޯ ވިމެން އިން ބުނެފައި ވަނީ އަންހެނުންގެ ހައްގަށް އެންމެ ބޮޑަށް އިހާނެތިކޮށް ހިތާފައި ވަނީ އުއްތުރަ ޕްރަދޭޝްއިންނެވެ. އެކޮމިޝަނުން ވަނީ، ސެލޫންތަކުގައި އަންހެން ކަސްޓަމަރުންނަށް ޚިދުމަތް ދޭން ޖެހޭނީ ހަމައެކަނި އަންހެނުން ކަމަށްވެސް ނިންމާފައެވެ.
ސެލޫންގައި މަސައްކަތް ކުރާ "ބައެއް ފިރިހެނުންގެ ނިޔަތް ރަނގަޅެއް ނޫން" ކޮމިޝަނުން ބުންޏެވެ.
އޭގެ އިތުރުން، ސްކޫލް ބަސްތަކުގައި އަންހެން ސެކިއުރިޓީ މުވައްޒަފުން ބޭތިއްބުމާއި، އަންހެނުންގެ ހެދުން ވިއްކާ ފިހާރަތަކުގައި އަންހެން މުވައްޒަފުން ބޭތިއްބުމަށް ވެސް ހުށަހަޅާފައި ވެއެވެ.
2023ވަނަ އަހަރު އަންހެނުންނާ ގުޅޭ ޖުމްލަ 28،811 ޝަކުވާ އަންހެނުންގެ ކޮމިޝަނަށް ހުށަހަޅާފައި ވެއެވެ.
