މެދުތެރޭ އޭޝިއާގައި ޕާކިސްތާންގެ ސްޓްރެޓެޖިކް މަގާމު ވަރުގަދަ ކުރުމުގެ ގޮތުން ޕާކިސްތާނުގެ ސަލާމަތީ އިދާރާއިން ދަނީ ކަޒަކިސްތާން، ކިރްގިސްތާން، ތަޖިކިސްތާން، ތުރުކްމެނިސްތާން، އަދި އުޒްބެކިސްތާނާ އެކު ދިފާއީ ގުޅުން ބަދަހި ކުރުމަށް "ވިޝަން ސެންޓްރަލް އޭޝިއާ" ސްޓްރެޓެޖީއެއް ވިލަރެސް ކުރަމުންނެވެ.
މި މަސައްކަތުގެ ތެރޭގައި އަސްކަރީ ތަމްރީނުތަކާއި، ހާޑްވެއާ ސަޕްލައި ކުރުމާއި، ކައުންޓަރ ޓެރަރިޒަމްގެ ދާއިރާއިން އެއްބާރުލުން އިތުރުކުރުމަށް އަމާޒުކޮށްގެން ޖޮއިންޓް އެކްސަސައިޒްތައް ކުރިއަށް ގެންދިއުން ހިމެނެއެވެ. މިހުހައި ފަރާތަކީ ވާދަވެރި ފަރާތްތަކެވެ.
ޕާކިސްތާންގެ ސިފައިންގެ ވުޒާރާގެ ޑީޖީ ވަނީ ޖުލައި މަހު، ތުރުކުމެނިސްތާނަށް ދަތުރެއް ކުރައްވާފައެވެ. އަދި ސިފައިންގެ ވެރިޔާ ޖެނެރަލް އާސިމް މުނީރާއި އެއާ ޗީފް މާޝަލް ޒާހިރު އަހުމަދު ބާބަރު ސިއްދޫ ވެސް ވަނީ މެދު ތެރޭ އޭޝިއާގެ އެހެން ގައުމުތަކަށް ޒިޔާރަތެއް ކުރެއްވުމަށް ރާއްވަވާފައެވެ.
ޕާކިސްތާނުން ވަނީ އައު ބުރަކަށް މެދުތެރޭ އޭޝިއާއަށް ދޭސަމާލުކަން އިތުރު ކުރުމަށް މަސައްކަތް ފަށާފައެވެ.
މި މަޝްވަރާތަކުގެ މުހިންމު ފޯކަސްއަކީ ގިނަ ދުވަސްތަކެއް ވަންދެން ވަޅުޖެހިފައި ވާ ތުރުކުމެނިސްތާން-އަފްޣާނިސްތާން-ޕާކިސްތާން-އިންޑިއާ (ޓާޕީ) ގެ ގޭސް ހޮޅި މަޝްރޫއު އެވެ. މިއީ، އަހަރަކު 33 ބިލިއަން ކިއުބިކް މީޓަރުގެ ގޭސް އުފުލާނެ ލަފާކުރެވޭ 1،735 ކިލޯމީޓަރުގެ ހޮޅިއެކެވެ.
މި ހޮޅިލައިން އެޅުން ލަސްވެފައި ވަނީ ގޭހުގެ އަގު ކަނޑައެޅުމާއި، ޓެރަރިޒަމްއާއި ފައިސާގެ މައްސަތަކާ ހެދިއެވެ.
