ޔުނިސެޕުން ބުނާ ގޮތުގައި ޕާކިސްތާންގެ ވައި ނުސާފު ވުމުގެ ސަބަބުން، ޕާކިސްތާންގެ ކިޔަވާ ކުދިންނަށާއި ކުޑަކުދިންގެ 11 މިލިއަން ކުދިންނަށް ބޮޑެތި ނުރައްކާތަކެއް ކުރިމަތިވާނެ ކަމަށެވެ. ނޮވެމބަރު 17އާ ހަމައަށް ޕަންޖާބުގެ މައި ސިޓީތަކުގައި ސްކޫލްތައް ވަނީ ބަންދުކޮށްފައެވެ.
އާންމު ޕާކްތަކާއި ޒޫތަކާއި ކުޅިވަރު ކުޅޭ ސަރަހައްދުތަކާއި މިއުޒިއަމްތަކަށް އާންމުންނަށް ވަނުން ވެސް ވަނީ ނޮވެމްބަރު މަހުގެ 17 ވަނަ ދުވަހުގެ ނިޔަލަށް މަނާކޮށްފައެވެ.
ޕަންޖާބުގެ ހަތް ސިޓީއެއްގެ ވައިގެ ކޮލިޓީ އިންޑެކްސް މިއަދު 400 އަށް ވުރެ މަތީގައި ހުރިއިރު، ސިއަލްކޮޓްގައި 774 އަށް އަރާފައިވެ އެވެ. އެ އިންޑެކްސްގައި އޭކިޔުއައި 300 އަށްވުރެ މަތީގައި ހުރުމަކީ، ސިއްހަތަށް "ނުރައްކާތެރި" އަލާމާތެކެވެ.
ޔުނިސެފުން އިސްލާމްއާބާދުގައި ނެރުނު ބަޔާނެއްގައި ބުނެފައިވާ ގޮތުގައި މިދިޔަ ހަފްތާގައި ލާހޯރާއި މުލްތާނުގައި ވައި ތަޣައްޔަރުވުމުގެ މިންވަރު ވަނީ އިންތިހާއަށް މައްޗަށް ގޮސްފައެވެ. އަދި އެ ކަމުގެ ސަބަބުން އެތަކެއް ކުޑަކުދިނެއް އެޑްމިޓްކޮށްފައިވާކަމަށެވެ.
ޔުނިސެފުން ބުނީ، ފަސް އަހަރުން ދަށުގެ 11 މިލިއަނަށް ވުރެ ގިނަ ކުޑަކުދިން މި ދުން ބޯވުމުގެ ކާރިސާއަށް ހުށަހެޅިފައިވާ ކަމަށެވެ.
