އެމެރިކާގެ ރައީސް ކަމަށް ޓްރަމްޕް ވަޑައިގެންފިނަމަ، ޤައުމުން ބޭރުވާނެ ކަމަށް ބުނި ވިޔަފާރިވެރިންނާއި ސާދާގަރުންނަށް 4 އަހަރު ވަންދެން ކުރޫޒް ޝިޕެއްގައި ދަތުރު ކުރެވޭ ގޮތަށް ކެބިން ބުކް ކުރުމަށް ކުންފުންޏަކުން ހުޅުވާލައިފިއެވެ.
ވިލާވީ އޮޑެއްސޭ ކުރޫޒު ޝިޕުން ބުނެފައި ވަނީ ޓްރަމްޕް ހޮވިވަޑައިގަތުމާ ގުޅިގެން އެމެރިކާއިން ބޭރުވާން ބޭނުންވާ ފަރާތްތަކަށް އެފުރުސަތު އޮތް ކަމަށާއި 4 އަހަރު ވަންދެން 148 ޤައުމަށް ދަތުރުކޮށްލަ ކޮށްލަ އެ ކުރޫޒު ބޯޓުގައި ދިރިއުޅެވިދާނެ ކަމަށެވެ.
އެބޯޓު ދަތުރުކުރާ ޤައުމުތައް ލިސްޓު ކުރި އިރު ރާއްޖެ ހިމަނާފައެއް ނުވެއެވެ. ފަސިންޖަރުން، ރާއްޖޭގެ ޕްލޮޓިކްސްއާ ދުރުގައި ބައިތިއްބަން ކުންފުނިން ރާއްޖެއަށް ނައަންނަ ގޮތަށް ނިންމީ ކަމަށް ލަފާ ކުރެވެއެވެ.
މި ދަތުރު އިޝްތިހާރު ކުރަމުން އެކުންފުނިން ބުނެފައި ވަނީ މި ދަތުރަށް އެރުމުން، ޓްރެފިކްއާއި ޕޮލިޓިކްސްއިންވެސް ދުރަށް ދެވިދާނެ ކަމަށެވެ.
މި ދަތުރަށް، އެކެއްގެ ކޮޓަރިއަކަށް ދައްކަން ޖެހެނީ، 256ހާސް ޑޮލަރެވެ. އަދި ދެ މީޙުންގެ ކޮޓަރިއަކަށް 320ހާސް ޑޮލަރެވެ.
އެކުންފުނިން ވަނީ 2 އަހަރާއި 3 އަހަރާ 4 އަހަރަށް ޕެކޭޖުތަކެއްވެސް ހަދާފައެވެ.
