ޙިޒުބުﷲގެ ފައުޖުގައި ހަނގުރާމަ ކުރަމުން ދިޔަ ފުރަތަމަ ސަޢޫދީ މީހާ ޝަހީދު ވެއްޖެ ކަމަށް އިއުލާން ކޮށްފިއެވެ. ބެއިރޫތުގައި ފަރަންސޭސިބަހުން ނިކުންނަ ލަ އޮރިއެންޓުން ބުނިގޮތުގައި ޒަޔަނިސްޓުންގެ ޙަމަލައެއްގައި ޝަހީދުވީ، ޤަޠީފްގެ ރަށްވެއްސެކެވެ. އޭނާގެ ނަމަކަށް ބުނެފައި ވަނީ، ޢުމްރާން ކަރީމެވެ.
ޤަތީފަކީ ގިނައިން ޝީޢީ މަޒުހަބުގެ މީހުން އުޅޭ ހިސާބެކެވެ.
ކަރީމީގެ ބައްޕައަކީ، ލަފާ ކުރެވޭ ގޮތުގައި ޤަތީފްގައި ޙިޒުބުﷲ ގޮފީގެ ކުރީގެ ރައީސެވެ. އަޙުމަދު އިބްރާހީމް އަލްމުޣައްސިލަކީ، އެމެރިކާ ސިފައިންނާ ދެކޮޅަށް ޚުބަރު ޓަވަރު ގޮއްވާލި ކަމަށް ތުހުމަތު ކުރެވިގެން 2001ގައި ސައޫދީ ޖާސޫސީ އިދާރާއިން ބެއިރޫތުން ވަގަށް ނަގައިގެން ގެންދިޔަ މީހެކެވެ. އަލްމުޣައްސިލަކީ، އެފްބީއައިގެ އެންމެ ވޯންޓެޑް ލިސްޓްގެ ކުރީގައި އޮތް މީހެކެވެ.
ކަރީމީ ވަނީ ވޯންޓެޑް މީހަކާ އޭނާގެ މަންމަ ކައިވެނިކޮށްގެން އުޅުމުން އެކަމަށް ތަޢުރީފްކޮށްފައެވެ.
