ކުރިއަށް އޮތް ނޭޝަންސް ލީގުގެ މެޗުތަކަށް އިނގިރޭސި ވިލާތުން އިއުލާނު ކުރި ސްކޮޑުގެ އަށް ކުޅުންތެރިން އިންޖަރީގެ ސަބަބުން ސްކޮޑުން ނަން ނަގައިފިއެވެ.
އިނގިރޭސި ވިލާތުގެ ސްކޮޑުން ނަން ނަގާފައިވާ ހުރިހާ ކުޅުންތެރިންނަކީ ވެސް ޕްރިމިއާ ލީގުގައި ކުޅެމުން އަންނަ ކުޅުންތެރިންނެވެ. އެ ކުޅުންތެރިންނަކީ:
- ކޯލް ޕާމާ (ޗެލްސީ)
- ބުކާޔޯ ސާކާ (އާސެނަލް)
- ޓްރެންޓް އަލެކްސަންޑަރ އާނޯލްޑް (ލިވަޕޫލް)
- ފިލް ފޮޑެން (މެންޗެސްޓާ ސިޓީ)
- ލެވީ ކޮލްވިލް (ޗެލްސީ)
- ޖެކް ގްރީލިޝް (މެންޗެސްޓާ ސިޓީ)
- އެރޮން ރަމްސްޑޭލް (ސައުތޭމްޓަން)
- ޑެކްލަން ރައިސް (އާސެނަލް)
ފަހު ވަގުތުގައި މިހާ ގިނަ ކުޅުންތެރިން ސްކޮޑުން ނަން ނެގުމާއެކު އިނގިރޭސި ވިލާތުގެ ވަގުތީ ކޯޗު, ލީ ކާސްލީ ވަނީ އެ ކުޅުންތެރިންގެ ބަދަލުގައި މޯގަން ރޯޖާސް, ޖެރޯޑް ބޮވެން, ޓީނޯ ލިވްރަމެންޓޯ, ޖޭމްސް ޓްރެފޯޑް, ޖަރަޑް ބްރޭންތުވެއިޓު, ޓީމުގެ ސްކޮޑުގައި ހިމަނާފައެވެ.
ކުރިއަށް އޮތް އިންޓަނޭޝަނަލް ބްރޭކުގައި އިނގިރޭސި ވިލާތުން ނިކުންނާނީ ނޭޝަންސް ލީގުގައި ގްރީސް އަދި އަޔަލެންޑާ ދެކޮޅަށެވެ. އަޔަލެންޑާ ދެކޮޅަށް އެ ޓީމުން ނިކުންނަ މެޗަކީ, ވަގުތީ ކޯޗުގެ ގޮތުގައި ހުރި ކާސްލީ, އިނގިރޭސި ވިލާތަށް ކޯޗުކަން ކޮށްދޭ ފަހު މެޗެވެ.
