އެމެރިކާގެ ސްޕިރިޓް އެއާލައިންސް މިއަދު، ހެއިޓީގެ ވެރިރަށް ޕޯޓް އޮ ޕްރިންސް އަށް ދަތުރު ކުރަމުން ދަނިކޮށް އެ ބޯޓަށް ބަޑި ޖަހައިފިއެވެ.
ސްޕްރިޓުން ބުނެފައި ވަނީ ބަޑި ޖެހުމުން ބޯޓަށް ކޮންމެވެސް ވަރެއްގެ ގެއްލުމެއް ލިބުނު ކަމަށާއި އެއަށްފަހު ބޯޓު ޑޮމިނިކަން ރިޕަބްލިކަށް ޑައިވަރޓްކުރި ކަމަށެވެ.
ފްލޮރިޑާގެ ފޯޓް ލޯޑަރޑޭލް އިން އުދުހުނު ބޯޓު ސަންޓިއާގޯއަށް ޑައިވަރޓް ކުރިއިރު، ބޯޓަށް ގެއްލުމެއް ލިބުނު ކަމެއް ފާހަގަ ވެފައެއް ނުވެއެވެ.
އެޖެންސް ފްރާންސް-ޕްރެސް އިން ރިޕޯޓްކޮށްފައިވާ ގޮތުގައި ސްޕްރިޓުން ވަނީ އިތުރަށް ބެލުމަށްފަހު ހެއިޓީއަށް ކުރާ ދަތުރުތައް ހުއްޓާލުމަށް ވިސްނާފައެވެ.
މިއާމީ ހެރަލްޑް ނޫހުން ރިޕޯޓްކޮށްފައިވާ ގޮތުގައި ބޯޓަށް ބަޑި ޖެހީ، ޕޯޓް އޮ ޕްރިންސް އެއާޕޯޓުގައި ޖައްސަން ދަނިކޮށެވެ.
ހެއިޓީއަކީ ގޭންގްތަކުން ވެރިކަން ކުރާ ގައުމެކެވެ.
