ކަރްނާޓަކާގެ ބެންގަލޫރުގައި ބިމްސްޓެކް އެނާޖީ ސެންޓަރު ގާއިމް ކުރުމަށް އިންޑިއާގެ ޚާރިޖީ ވުޒާރާއާއި ބިމްސްޓެކްއާ ދެމެދު އެއްބަސްވުމެއްގައި ސޮއިކޮށްފި އެވެ. މި އެއްބަސްވުމަކީ، ސަރަހައްދީ ހަކަތައާ ބެހޭ އެއްބާރުލުން އެޅިގެންދާ އެޅި މުހިންމު ފިޔަވަޅެކެވެ.
އިންޑިއާގެ ފޮރިން މިނިސްޓްރީގެ ތަރުޖަމާނު ރަންދީރު ޖައިސްވާލް އިއުލާން ކުރެއްވި ގޮތުގައި އާ އެނާޖީ ސެންޓަރުގެ މަގުސަދަކީ ބިމްސްޓެކްގެ މެމްބަރު ގައުމުތަކުގެ އިންޓަ ގްރިޑް ކަނެކްޓިވިޓީ އިތުރުކޮށް، ސަރަހައްދުގައި ހަކަތައާ ބެހޭ ގުޅުން ބަދަހިކުރުމަށް މސައްކަތް ކޮށް އެކަމަށް އެއްބާރުލުން އިތުރުކުރުމެވެ. "މި އިސްނެގުމަކީ ހަކަތައާ ބެހޭ އެއްބާރުލުން ވަރުގަދަ ކުރުމަށް މަގުފަހިވާނެ ކަމެއް،" ސޯޝަލް މީޑިއާ ޕްލެޓްފޯމް އެކްސްގައި ޖައިސްވާލް ހިއްސާކުރެއްވި އެވެ.
މީގެ ކުރިން ކެންބަރާގައި ބޭއްވި ރައިސިނާ ޑައުން އަންޑަރ 2024 ކޮންފަރެންސްގައި ބިމްސްޓެކްގެ ސެކްރެޓަރީ ޖެނެރަލް ޕާންޑޭ ބައިވެރިވެވަޑައިގެން ދެމެހެއްޓެނިވި ތަރައްގީގައި ބިމްސްޓެކްގެ ދައުރަށް އަލިއަޅުވާލައްވައި އިންޑޯ ޕެސިފިކް ސަރަހައްދަށް މަޝްވަރާއަށް ހުށަހެޅުއްވި އެވެ.
ބެންގަލޫރުގައި މަރުކަަޒީ އޮފީސް ގާއިމް ކުރުމުގެ އިސްނެގުމަކީ ދާދިފަހުން ބިމްސްޓެކްގެ ފޮރިން މިނިސްޓަރުންގެ ބައްދަލުވުމެއްގައި އިންޑިއާއިން އިސްނަގައިގެން ހުށަހެޅި ކަމެކެވެ.
ބިމްސްޓެކަކީ، ސާކު ވަޅުޖެހުމަށްފަހު، އިންޑިއާއިން ބޭ އޮފް ބެންގޯލްގެ ޤައުމުތަކާއެކު އުފައްދާފައިވާ ޖަމާއަތެކެވެ. މި ޖަމާއަތުގައި 1.73 ބިލިއަން މީހުން ހިމެނެއެއެވެ. މިއީ 5.2 ޓްރިއަންގެ އިގްތިސާދެއް ކޮންޓްރޯލު ކުރާ ޖަމާއަތެކެވެ.
