މުޖުރިމު ޒަޔަނިސްޓު ނިޒާމާ ދެކޮޅަށް ހައްގުބަސް ބުނުމުން ޒަޔަނިސްޓުން ފްރެންޗެސްކާ އަލްބެނީޒާ ދިމާކޮށްފިއެވެ. ފަލަސްޠީނަށް އދން ކަނޑައަޅާފައިވާ ރެޕަޓުއާ ފްރެންޗެސްކާ އަލްބެނީޒާ ދެކޮޅަށް ޒަޔަނިސްޓުން ދަނީ ކެމްޕޭން ކުރަމުން އޭނާގެ އަގު ވައްޓާލަމުންނެވެ. މި ހަމަލާގައި ޒަޔަނިސްޓް އަރަބި ގައުމުތަކާއި ޒަޔަނިސްޓް މުސްލިމު އަރަބި މީޑިއާވެސް ބައިވެރި ވެއެވެ.
މުޖުރިމު ޒަޔަނިސްޓުންނާ ދެކޮޅުވެރި ޔަހޫދީ ޖަމާއަތްތަކުން ވަނީ، އަލްބެނީޒްގެ ސަޕޯޓުގައި މުޒާހަރާތައް ބާއްވަން ފަށާފައެވެ.
އަލްބެނީޒް ވިދާޅުވަނީ އިޒްރޭލުން ހިންގާ ކަންކަމަކީ ހަނގުރާމައިގެ ޖަރީމާތައް ނޫން ދެވަނަ އެހެން އެއްޗެއް ކަމަށް ސިފައެއް ނުކުރެވޭނެ ކަމަށެވެ.
އިޒްރޭލު ދައުލަތެއްގެ ގޮތުގައި ވުޖޫދުގައި އޮންނަން ފެނޭތޯ އޭނާއާ ސުއާލު ކުރުމުން އޭނާ ވިދާޅުވަނީ، އިޒްރޭލުގެ ދައުލަތެއް ވުޖޫދުގައި އޮތް އިރު އަދި ދުނިޔެއާއި އދން އެ ދައުލަތް ގަބޫކޮށްފައިވާ އިރު އިޒްރޭލު ވުޖޫދުން ފޮހެލެވޭނީ ކިހިނެއް ހެއްޔެވެ؟
އޭނާ ވިދާޅުވަނީ އޮޅުވާލިއަސް މިތާގައި ދިމާވެފައިވާ މައްސަލައަކީ ފަލަސްޠީނު މީހުނގެ ބިން ހިފައި އެމީހުން ވުޖޫދުން ފޮހެލުމަށް އިޒްރޭލުން ކުރަމުން ގެންދާ މަސައްކަތެވެ.
