ރައީސުލްޖުމްހޫރިއްޔާގެ ނައިބު އަލްއުސްތާޒު ހުސައިން މުހައްމަދު ލަތީފް "ޝޭޑްސް އޮފް މައިންޑް" ކުރެހުމުގެ މައުރަޒު އިފްތިތާހުކޮށްދެއްވައިފިއެވެ.
މި މައުރަޒު ހުޅުއްވައިދެއްވުމުގެ ގޮތުން، މައުރަޒުގައި ބަހައްޓާފައިވާ ފޮޓޯތައް ހިމެނޭ ކެޓަލޮގެއް ނާއިބު ރައީސްގެ އަތްޕުޅަށް އަރުވާފައިވެއެވެ. އަދި އެއަށްފަހު ހާއްސަ ފޮޓޯއެއް ވަނީ ނަންގަވާފައެވެ. މައުރަޒު އިފްތިތާހުކޮށްދެއްވުމަށްފަހު އެމަނިކުފާނު ވަނީ މައުރަޒުގެ ކުރެހުންތައް ބައްލަވާލައްވާފައެވެ.
މިނިސްޓްރީ އޮފް ޔޫތު އެމްޕަވަމަންޓް، އިންފޮމޭޝަން އެންޑް އާޓްސް އިން އިންތިޒާމުކުރާ މި މައުރަޒަކީ، ފަންނުވެރިކަމުގެ ތެރެއިން ނަފްސާނީ ހޭލުންތެރިކަން އިތުރުކޮށް، ނަފްސާނީ ދުޅަހެޔޮކަމުގެ މުހިންމުކަމާމެދު ހޭލުންތެރިކަން އިތުރުކުރުމުގެ މަގްސަދުގައި ބާއްވާ މައުރަޒެކެވެ.
މި މަހުގެ 12 އިން 17 އަށް ނޭޝަނަލް އާޓް ގެލެރީގައި ކުރިއަށްގެންދާ މި މައުރަޒުގައި ދައްކާލާ ކުރެހުންތަކަކީ، އާންމުކޮށް ހުޅުވާލައިގެން ރާއްޖޭގެ އެކި ކަންކޮޅުތަކުގެ ޒުވާނުން ހުށަހެޅި ކުރެހުންތަކެވެ.
