ޓެލެގްރާމް އެޕް ހިންގާ ކުންފުނީގެ ސީއީއޯ ވަނީ އޭނާގެ ދަރިފަނި ބޭނުންކޮށްގެން ދަރިން ގަރުބަ ގަނުވަން ބޭނުންވާ މީހުންގެ އައިވީއެފް ހެދުމަށްދާ ހުރިހައި ޚަރަދެއް ދޭނެ ކަމަށް ބުނެ އެކަން އިއުލާން ކޮށްފައެވެ.
ޕަވަލް ޑްރޯވް ބުނާ ގޮތުގައި މީގެ ކުރިން ދަރިފަނި "ހަދިޔާކޮށްގެން" އޭނާ ވަނީ 100 ކުދިން ދުނިޔެއަށް ގެނައުމަށް އެހީތެރިވެ ދީފައެވެ. އޭނާ ބުނަނީ މިއީ، ކުދިން ނުލިބިގެން އުޅޭ ދެމަފިރިން ހެޔޮހިތުން އޭނާ ކޮށްދޭ "ޚިދުމަތެއް" ކަމަށެވެ.
މިދިޔަ 15 އަހަރު ތެރޭގައި އޭނާ "ހަދިޔާ ކުރި ދަރިފަނިން އުފަންވި ކުދިން" 15 ގައުމުގައި ތިބި ކަމަށްވެސް އޭނާ ބުނެއެވެ.
ޑްރޯވްގެ ހުށަހެޅުމަށް ޝަރުތު ފުރިހަމަ ވާނީ އުމުރުން 37 އަހަރު ވެފައިވާ ދުޅަ ހެޔޮ އަންހެން ކުދިންނެވެ.
އޭނާގެ ދަރިފަނި ބޭނުންކޮށްގެން ކުއްޖަކު ދުނިޔެއަށް ގެނައުމަށްފަހު ނޭޕީއާއި ބަކުން ފަދަ ކަންކަން އޭނާގެ ފުށުން ލިބޭނެ ކަމަށް އިއުލާން ކޮށްފައެއް ނުވެއެވެ.
