ޓްރަމްޕްގެ ސަރުކާރުގައި، ގަވަރންމަންޓް އެފިޝެންސީ ޑިޕާޓްމަންޓެއް އުފައްދަވާނެ ކަމަށާއި އެ ވުޒާރާގައި އިސްކޮށް ތިއްވަބާނީ، މަހާސާދާގަރު، އިލޮން މަސްކާއި، ރިއާސީ އިންތިޚާބަށް ކުރިމަތި ލެއްވި ވިވެކް ރާމަސްވާމީ ކަމުގައި ޓްރަމްޕް ދެންމެ އިއއުލާން ކުރައްވައިފިއެވެ.
"ސަރުކާރުގެ ބަރުހެލިކަން ކަނޑުވާލައި، ބޭކާރު ގަވާއިދުތައް އުވާލައި، އިސްރާފް ކުޑަކޮށް، ސަރުކާރުގެ އިދާރާތައް އަލުން ރުކުރުވާލައްވާނީ މި ދެ ޢިއްޒަތްތެރިން" އެމެރިކާގެ ރައީސް މުންތަޚަބް ޓްރަމްޕް އިޢުލާން ކުރެއްވިއެވެ.
މަހާސާދާގަރު މަސްކަކީ، އެމެރިކާގެ ނާއިބް ރައީސް މުންތަޚަބް. ޖޭޑީ ވޭންސަށް ވުރެން ނުފޫޒުގަދަ ފަރާތެއްކަމަށް މީޑިއާގައި ރިޕޯޓުކޮށްފައި ވެއެވެ. އަދި ޓްރަމްޕްގެ އިންތިޚާބަށް ފަހު އޭނާ ބަނޑަހަޖައްސަވައިގެން އުޅުއްވަނީ، ފްލޮރިޑާގައި ޓްރަމްޕްގެ މާރލާގޯ ރިސޯޓުގައި ކަމަށްވެސް ވެއެވެ.
