އިޒްރޭލު ސަފީރު ކަމަށް ރައީސް މުންތަޚަބް ޓްރަމްޕް އައްޔަން ކުރައްވަނީ، އާކަންސޯގެ ކުރީގެ ގަވަރުނަރު މައިކް ހަކަބީ އެވެ. އެއީ، ފަލަސްޠީނުގެ ދައުލަތެއް ގާއިމް ކުރުމަށް ދެކޮޅު ހައްދަވާ ހަރުކަށި ނަސާރާ ޒަޔަނިސްޓެކެވެ.
ކުރިން ޓީވީގައި ނަސާރާ ދީނީ ޕްރޮގްރާމުތައް ގެނަސްދިން ހަކަބީއަކީ، ފަހުން ފާދިރީއެއްގެ ގޮތުގައި ދީނީ އިރުޝާދު ދީގެން މުއްސަނދިކަމާއި މަޝްހޫރުކަން ހޯދި މީހެކެވެ.
އޭނާގެ ޝައުގުވެރިކަމަކީ އިޒްރޭލު ސަރުކާރުން ދޭ ހިލޭ ޗުއްޓީ ދަތުރުތަކުގައި ދިއުމެވެ. އަދި އިޒްރޭލުން ގެއެއް ގަނެގެން އިޒްރޭލުގައި އުޅުމަކީ އޭނާގެ ހުވަފެނެއް ކަމަށް ބުނެފައި ވެއެވެ.
ހަކަބީ ބުނެފައި ވަނީ ޣައްޒާއަކީ އިޒްރޭލުގެ ބިމެއް ކަމަށާއި އެއީ ﷲ ޒަޔޫދުންނަށް ދެއްވި ބިމެއް ކަމަށެވެ!
ކޮމާންޑަރު ސިންވާރުގެ 7 އޮކްޓޫބަރު ހަމަލަ ސިފަކުރަމުން އޭނާ ބުނެފައި ވަނީ "އެވަރުގެ ބިރުވެރި ހަމަލައެއް އުމުރުގައިވެސް ފެނިފައި ނެތް" ކަމަށެވެ.
