އުމުރުން 7 އަހަރުގެ އަންހެން ކުއްޖަކާއި 11 އަހަރުގެ އަންހެން ކުއްޖަކަށް ޖިންސީ ގޯނަކުރި ކަމުގެ ތުހުމަތުގައި އުމުރުން 56 އަހަރުގެ ފިރިހެނަކު ކޯޓު އަމުރެއްގެ ދަށުން ރޭ ދިވެހި ފުލުހުން ހައްޔަރުކޮށްފިއެވެ.
މިކަމާ ގުޅިގެން ފުލުހުން ބުނީ، މި ހާދިސާ ހިނގީ ދެކުނުގެ އަތޮޅަކަށް ނިސްބަތްވާ ރަށެއްގައި ކަމަށެވެ. ކުޑަ ކުދިންގެ މައްްސަލަތަކުގައި ރަށާއި ކުދިންގެ ވަނަވަރު ހާމަކުރުމަކީ ގާނޫނީ ގޮތުން މަނާކަމެކެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
