ދައުލަތުގެ މުވައްޒަފެއް ނުވަތަ ދައުލަތުގެ ވަޒީފާއެއް އަދާކޮށްފައިވާ މީހަކު ނުހައްގުން މުއްސަނދިކަން ހޯދައިފިނަމަ ދައުވާ ކުރެވޭ ގޮތަށް ޤާނޫނުލްއުގޫބާތަށް ސަރުކާރުން ހުށަހެޅި އިސްލާހު މިއަދު މަޖިލީހުން ބަލައިގަނެ، ޖުޑީޝަރީ ކޮމެޓީއަށް ފޮނުވައިފިއެވެ.
މި އިސްލާހް ސަރުކާރުގެ ފަރާތުން މަޖިލީހަށް ހުށަހެޅުއްވީ މާފުށި ދާއިރާގެ މެންބަރު ހުސައިން ރިޒާއެވެ. ބިލު ބަލައިގަތީ 70 މެމްބަރުންގެ އަޣްލަބިއްޔަތުންނެވެ.
މި އިސްލާހް ފާސްވެއްޖެނަމަ ދައުލަތުގެ މުވައްޒަފެއްގެ ގޮތުގައި ހުރެމެ ނުވަތަ ހުރިއިރު އާމްދަނީ އާ ނުބައްދަލު ދިރިއުޅެއް އުޅޭނަމަ ދަައުވާ ކުރެވޭނެ އެވެ. އަދި ދައުލަތުގެ މުވައްޒަފަކަށް ހުރިއިރު، ނުވަތަ ދައުލަތުގެ މުވައްޒަފަކަށްހުރެ ލިބެމުންދާ އާމްދަނީއާ ނުބައްދަލު މިންވަރަކަށް އޭނާގެ ނަމުގައި ނުވަތަ އާއިލީ ނުވަތަ ޒާތީ ނުވަތަ ވިޔަފާރީގެ ގުޅުމެއް އޮތް މީހެއްގެ ނަމުގައި މުދާ ނުވަތަ ފައިސާ ހޯދައި މިލްކުކުރުމުންވެސް ދައުވާ ކުރެވޭނެ އެވެ.
