މޯލްޑީވްސް ޕޯޓްސް ލިމިޓެޑް (އެމްޕީއެލް) އިން މޯލްޑިވްސް ފޮލިސް ސަރވިސްއަށް ފޯކް ލިފްޓެއް ފޯރުކޮށްދިނުމާ ގުޅޭ އެއްބަސްވުމެއްގައި މިއަދު ސޮއި ކޮށްފިއެވެ.
އެމްޕީއެލްގެ ހެޑް އޮފީހުަގައި މިއަދު ހެނދުނު އޮތް ރަސްމިއްޔާތެއްގައި އެމްޕީއެލްގެ ފަރާތުން މި އެއްބަސްވުމުގައި ސޮއި ކުރެއްވީ އެކުންފުނީގެ ސީއީއޯ މުޙައްމަދު ވަޖީހް އިބްރާހިމެވެ. އަދި މޯލްޑިވްސް ފޮލިސް ސަރވިސްގެ ފަރާތުން ސޮއިކުރެއްވީ ކޮމިޝަނަރ އޮފް ޕޮލިސް، އަލީ ޝުޖާއުއެވެ.
މި އެއްބަސްވުމުގެ ދަށުން މޯލްޑީވްސް ޕޮލިސް ސާރވިސްގެ އެކި މަސައްކަތްތަކުގައި ބޭނުންކުރުމަށް އެމްޕީއެލްއިން ފަސް ޓަނުގެ ފޯކް ލިފްޓެއް ފޯރުކޮށްދޭނެކަމަށް އެކުންފުނިން މަޢުލޫމާތުދެއެވެ.
