އެމްސްޓެޑަމްގައި ފުޓުބޯޅަ މެޗަށް ފަހު ހަމަލަތައް ދީ ހަމަނުޖެހުން އުފެއްދީ އިޒްރޭލުން އައިސްތިބި ޒަޔަނިސްޓު ޔަހޫދުން ކަމަށް ނެދަރލެންޑްސްގެ އިސް ޔަހޫދީ ފާދިރީ ބުނެފިއެވެ.
އިޒްރޭލު މިޑިއާއިން ވަނީ، ނެދަލެންޑްސްގެ އިސް ފާދިރީ ރާބާއި ބިންޔޯމިން ޖެކޮބްސް ގެ ވާހަކައަށް ނުރުހުން ފާޅުކޮށްފައެވެ. ޖެކޮބްސް ބުނެފައި ވަބީ ނާޒީން ބޮޑު އަވަނުގައި މީހުން ފިހެލި ޒަމާނާއި މިހާރާ ތަފާތު ކުރަން ޖެހޭނެ ކަމަށެވެ.
އެއިރު ސަރުކާރަކީ ޔަހޫދުންނާ އަދާވާތްތެރި ސަރުކާރެއް ކަމުގައިވިއަސް މިހާރު ސަރުކާރުތައް ޔަހޫދުންނާ އަދާވާތްތެރި ނޫން ކަމަށް އޭނާ ބުންޏެވެ. އަދި ފަލަސްޠީނުގެ މިނިވަން ކަމަށް ގޮވާލާ މީހުންނަކީ، ޔަހޫދުންގެ ނަސްލާ ދެކޮޅުވެރި ބަޔެއް ކަމުގައި ބަލައިގެން ނުވާނެ ކަމަށެވެ.
ޖެކޮބްސް ބުނީ ފަލަސްތީނަށް ތާއީދުކުރާ ނުވަތަ ފަލަސްތީނުގެ ދައުލަތެއް އުފެއްދުމަށް ތާއީދުކުރާ މީހުންނަކީ އެންޓިސެމެޓިކް ޔަހޫދުންގެ ނަސްލާ ދެކޮޅު ބަޔެއް ކަމަށްވެސް ބަލައިގެން ނުވާނެ ކަމަށެވެ.
