އިންޑިއާއަށް ސައޫދީ އަރަބިއްޔާގެ ޚާރިޖީ ވަޒީރު ފައިސަލް ބިން ފަރުޙާން ވަޑައިގެންފިއެވެ. މިއަދު އިންޑިއާއާއި ސައޫދީ އަރަބިއްޔާގެ ރަސްމީ މަޝްވަރާތައްވެސް ބާއްވަވާފައި ވެއެވެ.
މި ބައްދަލުވުމުގައި، ދެފަރާތުގެ މަސްލަހަތު އޮތް، ސަރަހައްދީ އަދި ބައިނަލްއަޤްވާމީ މައްސަލަތަކާއި މިކަމުގައި ކުރެވެމުންދާ މަސައްކަތާ ބެހޭގޮތުން މަޝްވަރާކުރުމުގެ އިތުރުން، އެކި ދާއިރާތަކުން ދެޤައުމުގެ ދެމެދުގައި އޮތް އެކުވެރިކަމާއި ދެޤައުމުގެ އެއްބާރުލުންތަކާއި ތަރައްޤީއަށް ހުރި ފުރުޞަތުތައް ވެސް މުރާޖަޢާކޮށްފައިވެއެވެ.
