ސްރީލަންކާގެ ޕާލަމެންޓަށް މެމްބަރުން ހޮވުމަށް ބާއްވާ އިންތިހާބުގައި ވޯޓުލުން މިއަދު ފެށިއްޖެއެވެ. ޕާލަމެންޓަށް އިންތިޚާބު ކުރާ 225 މެންބަރުންނާއެކު ރައީސް އަނޫރާ ކުމާރާ ޑިސަނާޔަކައަށް އޮތް ތާއީދު ފެނިގެންދާނެ ކަމަށް ބެލެވެއެވެ. އޭނާގެ ނޭޝަނަލް ޕީޕަލްސް ޕަވަރ އިން ވަނީ ކޮރަޕްޝަނާ ދެކޮޅަށް މަސައްކަތް ކުރުމަށް ވައުދުވެފައެވެ.
މިއީ 1977 ވަނަ އަހަރުން ފެށިގެން ކުރީގެ ރައީސް ރަނިލް ވިކްރަމަސިންހަ ވާދަ ނުކުރައްވާ ހަމައެކަނި އިންތިޚާބެވެ.
އޭގެ އިތުރުން، ނިމިދިޔަ ސަރުކާރުތަކުގައި ނުފޫޒުގަދަ ފަރާތްތައް ކަމަށްވާ ރާޖަޕަކްސަ އައުލާދުގެ މަހިންދައާއި ގޯތާއާއި ބެސިލްއާއި ޗަމަލް ވެސް މއިންތިޚާބުގައި ވާދަ ނުކުރައްވައެވެ.
ވޯޓުލުމަށް ޝަރުތު ފުރިހަމަވާ 17.1 މިލިއަން މީހުން ވޯޓުލާން ފަށާފައި ވަނީ މިއަދު ހެނދުނު 7 ޖެހި އިރުއެވެ.
