އިންޑިއާގެ ވެރިރަށް ނިއުދިއްލީގައި ދުންބޯވެ، ވައި ނުސާފުވެފައި ވެއެވެ. ސެންޓްރަލް ޕޮލިއުޝަން ކޮންޓްރޯލް ބޯޑް (ސީޕީސީބީ) ގެ ތަފާސްހިސާބުތަކުން ދައްކާ ގޮތުގައި ދިއްލީގެ އެތައް ހިސާބުތަކެއްގައި ވައިގެ ސާފު ކަމުގެ މިންވަރު އޭކިޔުއައި ރީޑިންގްސް ހުރީ، 400 އަށް ވުރެ މަތީގައެވެ. މިއީ ވައި ނުސާފު ވުމުގެ މުހިންމު މިންވަރެއްގެ އިޝާރާތެކެވެ.
އެންމެ ބޮޑަށް ވައި ނުސާފު ކަމަށް ދައްކަނީ ދެކުނު ދިއްލީގެ ސަރަހައްދުތަކުގައެވެ.
އޭގެ އިތުރުން ދިއްލީގެ ވަށައިގެންވާ ފަރީދްއާބާދާއި ނޮއިޑާއާއި ގުރްގާއުން ފަދަ ސަރަހައްދުތަކުގައި އޭކިޔޫއައި ދަށުގައި ހުރިނަމަވެސް ބޯ ކަމަށް ދައްކައެވެ.
ދިއްލީގައި ވައި ނުސާފުވާން މެދުވެރިވަނީ، ކައިރި ސްޓޭޓްތައް ކަމަށްވާ ޕަންޖާބާއި ހަރިޔާނާގައި ދަނޑުތައް އެންދުމުގެ ސަބަބުންނެވެ. އައު މޫސުމަށް ދަނޑު އިންދުމަށްޓަކައި މީހުން ދަނޑުތައް އަންދައި ހަދައެވެ.
