އިސްލާމްދީނުގެ ސިލްމާއި ސުލްހައިގެ ދައުރާ ބެހޭ ގޮތުން މަސްޖިދުއްނަބަވީގެ އިމާމު ކެރެލާގައި ތަޤްރީރު ކުރައްވައިފިއެވެ. މަސްޖިދުއްނަބަވީގެ އިމާމް ޑރ. ޢަބްދުﷲ ބިން ޢަބްދުއްރަޙުމާން އަލްބުއައިޖާން އުޅުއްވަނީ އިންޑިއާއަށް ކުރައްވާ 8 ދުވަހުގެ ރަސްމީ ދަތުރުފުޅެއްގައެވެ.
ކެރެލާގައި އޭނާ ދެއްވި ތަޤްރީރު އަޑު އެހުމަށް ބައިލައްކަ މީހުން އެއްވިއެވެ. އަދި ޓީވީން 4 މިލިއަން މީހުން ވަގުތުން ބެލިކަމަށް ސައޫދީ ނޫސްއެޖެންސީން ބުނެއެވެ.
އޭނާގެ ތަޤްރީރުގައި މުސްލިމުން ބައިބައި ނުވުމަށް ގޮވައިލެއްވިއެވެ. އިންޑިއާއަށް އޭނާ ކުރައްވާ ދަތުރުފުޅު ނިންމަވާލައްވާނީ، ހޮނިހިރު ދުވަހުއެވެ.
