ރާއްޖޭގެ މަގުހެދުމުގެ ދާއިރާގައި އާ ސަފުހާއެއް ހުޅުވިގެން ދާކަމުގެ އުފާވެރި ޚަބަރު މިއަދު އަޅުގަނޑުމެންނަށް މި ލިބެނީ އާރު.ޑީ.ސީ. ގެ ފަރާތުންނެވެ. މި ކުންފުނިން ދަނީ ރާއްޖޭގެ މަގުހެދުމުގެ މަސައްކަތުގައި މުރާލިކަމާއެކު ކުރިއަށް ދަމުންނެވެ. އެ ކުންފުނީގެ ޚިދުމަތުގައި ރަންޒަމާނެއް ފެށިގެން ދާކަން ފާހަގަކުރެވެއެވެ.
ކުރީގެ ސަރުކާރުން ވެފައިވާ އިހުމާލުތަކުގެ ސަބަބުން ގިނަގުނަ ދަތިތަކާ ކުރިމަތިލާން ޖެހުނު ނަމަވެސް، އާރު.ޑީ.ސީ. އިން ވަނީ ހީވާގިކަމާއެކު މަސައްކަތްތައް ކުރިއަށް ގެންގޮސްފައެވެ. ފައިސާގެ ދަތިކަން ހުރި ނަމަވެސް، ރައްޔިތުންގެ އެދުމާ އެއްގޮތަށް މަސައްކަތްތައް ކުރިއަށް ގެންދިއުމަށް އެ ކުންފުނިން ދަނީ މަސައްކަތް ކުރަމުންނެވެ.
މިހާރަކަށް އައިސް، އާރު.ޑީ.ސީ. އިން ދަނީ މަގުހެދުމުގެ މަސައްކަތްތައް ވަރަށް ހަލުވި ސްޕީޑެއްގައި ކުރިއަށް ގެންދަމުންނެވެ. މީގެ ނަތީޖާއެއްގެ ގޮތުން، ރައްޔިތުންގެ ހިތްތަކުގައި އާރު.ޑީ.ސީ. އަށް ޓަކައި ޚާއްޞަ މަޤާމެއް ލިބެމުންދާކަން ފާހަގަކުރެވެއެވެ. ރައްޔިތުންގެ ލޯތްބާއި އިހުތިރާމް ދުވަހެއް ދުވަހަކަށް އިތުރުވަމުން ދާކަން ފެންނަން އެބަހުއްޓެވެ.
މި ހުރިހާ ކާމިޔާބީތަކެއްގެ ފަހަތުގައި ވަނީ ހިންގުންތެރި، ހަރުދަނާ ޓީމަކާއި ގާބިލު ވެރިންތަކެކެވެ. އާރު.ޑީ.ސީ. ގެ މި ފަދަ ކާމިޔާބު މަސައްކަތްތަކަކީ ރާއްޖޭގެ ތަރައްޤީއަށް ލިބޭ ވަރަށް ބޮޑު ކުރިއެރުމެކެވެ. އުންމީދު ކުރަނީ މި ކުންފުނީގެ ޚިދުމަތުގައި ފެށިގެން މިދާ ރަންޒަމާން ދެމިގެންދާނެ ކަމަށެވެ. އަދި ކުރިއަށް އޮތް ތަނުގައިވެސް ރައްޔިތުންނަށް ފައިދާހުރި ގިނަގުނަ މަސައްކަތްތަކެއް ކޮށްދޭނެ ކަމަށެވެ.
