މަގާމުން ދުރަށް ވަޑައިގަތުމުގެ ކުރިން ޒަޔަނިސްޓް އިޒްރޭލުގެ ފުލުހުންނާ ބެހޭ ވަޒީރު ތާކިހާ އެޅި ކުރުދީ ދަރިކޮޅުގެ އިޓަމާރް ބިން ގްވީރާ ދެކޮޅަށް ދަތިކުރުމުގެ ފިޔަވަޅު އަޅަން ބޭނުންފުޅުވާކަމަށް އެމެރިކާގެ ރައީސް ޖޯ ބައިޑެން ވިދާޅުވެއެވެ.
ބެން ގްވީރަކީ، ހުޅަނގު އައްސޭރީގައި ވަޒަންވެރިކޮށްފައިވާ ޔޫރަޕްގެ އިސްތިއުމާރީ ދޮން ޒަޔަނިސްޓު ޔަހޫދުންނަށް ފަލަސްޠީނު މީހުންނާ ދެކޮޅަށް ހަމަލަތައް ދިނުމަށް ހިތްވަރު ދޭ މީހާއެވެ. އެމީހުން ބޭނުން ކުރާ ބަޑިތަކަކީ ބައިޑެންގެ ސަރުކާރުން، ބެން ގްވީރުގެ އެދުމަށް ސަޕްލައިކޮށްދީފައިވާ ބަޑިތަކެވެ.
ޓެރަރިސްޓް ނަތަންޔާހޫގެ ސަރުކާރުގައި އެންމެ ހަރުކަށި ދެ ވަޒީރަކީ ބެންގްވީރާއި މާލީ ވަޒީރު ސްމޮރިޗެވެ. މި ދެވެރިންނާ ދެކޮޅަށް ބައިނަލްއަޤްވާމީ މުޖުތަމައުން މުއާމަލާތު ކުރާކަށް ބޭނުމެއް ނުވެއެވެ. ޔޫރަޕްގެ ޖަމާއަތުންވެސް މި ދެމީހުންގެ ޓެރަރިސްޓް ސުލޫކާ ހެދި، ފަކުރު ގަނެއެވެ.
ފާއިތުވި މަސްތަކުގައި އެމެރިކާއިން ވަނީ ފިނޭންސް މިނިސްޓަރު ސްމޮޓްރިޗްއާ ދެކޮޅަށް ވެސް ފިޔަވަޅު އަޅާފައެވެ. އޭނާ މަސައްކަތް ކުރަނީ ފަލަސްތީނުގެ ސަރުކާރުގެ އިގްތިސާދު ފުނޑާލުމަށެވެ.
މިދިޔަ މަހު އިނގިރޭސި ބޮޑުވަޒީރު ކޭއާ ސްޓާމަރ ވަނީ ޣައްޒާގެ އާންމުންނަށް ދެމުންދާ ހަމަލަތަކާ ބެހޭ ގޮތުން، ސްމޮޓްރިޗް އާއި ބެން ގްވީރާ ދެކޮޅަށް ދަތިކުރުމުގެ ފިޔަވަޅު އަޅަން ވިސްނަމުންދާ ކަންވެސް އިއުލާން ކުރައްވާފަ އެވެ.
