ޔަހޫދީންނަށް ހަމްދަރްދީ ހޯދުމަށް، ދެވަނަ ބޮޑު ހަނގުރާމައިގެ ހާދިސާއެއް ކަމަށް މަޝްހޫރުކޮށްފައިވާ އޭން ފްރޭންކްގެ ޑައިރީއަށް ލިޔެފައިވާ ޑްރާމާއެއް ތަމްސީލު ކުރަމުން ދަނިކޮށް އެމެރިކާގެ މިޗިގަންގެ ތިއޭޓާރގެ ބޭރުގައި ނާޒީންނަށް ސަޕޯޓުކޮށް މީހުން އަޑުގަދަ ކޮށްފިއެވެ. މިމީހުން ދިޔައީ ނާޒީންނަށް ތައުރީފްކޮށް ޑޮނަލްޑް ޓްރަމްޕަށް ސަޕޯޓުގެ ޝިއާރުތައް ގޮވަމުންނެވެ.
މި ހާދިސާއާ ގުޅިގެން ވާހަކަ ދެއްކި މީހުން ބުނެފައި ވަނީ އިޒްރޭލުން ހިންގަމުން ގެންދާ ހަނގުރާމައިގެ ޖަރީމާތަކާއި ގަތުލުއާންމުގެ ސަބަބުން ކަމާ ނުބެހޭ ޔެހޫދީންނަށްވެސް އަސަރުކުރަމުންދާ ކަމަށެވެ. އަދި ޒަޔަނިސްޓުންނާ ހެދި ނިޔަނެތި ޔަހޫދުން ދެކެވެސް މީހުންގެ ހިތުގައި ނުރުހުމުގެ ޝުއޫރުތައް އިޒްރޭލުން އުފައްދަމުންދާ ކަމަށެވެ.
އެކަކު ފާހަގަ ކުރިގޮތުގައި އަސްލު އެންޓިސެމެޓިކް އަމަލުތައް ހިންގާ މީހުންނަކީ އިޒްރޭލުގެ ޒަޔަނިސްޓުންނެވެ.
ޒަޔަނިސްޓުން ދަނީ މި ހާދިސާއާ މުސްލިމުންނާ ގުޅުވަން މަސައްކަތް ކުރަމުންނެވެ. މިޗިގަންއަކީ މުސްލިމުންގެ އާބާދީ ގިނަ މުސްލިމުންނާއި ފަލަސްޠީނަށް ހަމްދަރްދީވާ މީހުން ގިނަ ސްޓޭޓެކެވެ. އަދި މިޗިގަންގައި ޒަޔަނިސްޓު އިޒްރޭލާ ދެކޮޅަށް އަޑު އުފުލާމީހުންގެ އަދަދު ދަނީ އިތުރު ވަމުންނެވެ.
