ފަލަސްޠީނުގެ މިނިވަން ދައުލަތެއް ގާއިމް ކުރުމަށް ގޮވާލި އިޒްރޭލުގެ ރެޕަރގެ ރަށްވެހިކަން ނިގުޅައި ގަތުމަށް އިޒްރޭލުން ވިސްނަމުންދާ ކަމަށް ބުނެފިއެވެ. އިޒްރޭލުގެ ރެޕަރފ ފަލަސްޠީނުގެ މިނިވަން ކަމަށް ގޮވާލައި އަޑުގަދަ ކުރީ ތެލްއަވީވްގައި އޮތް މިއުޒިކް ޝޯއެއްގައެވެ.
އޭނާއަކީ އިޒްރޭލުގެ މަޝްހޫރު ރެޕަރ ޝޭ ޓްރާ ލިޓްމަން އެވެ. ލަވައިގެ މެދު ތެރޭން އަޑު ގަދަކުރަމުން އޭނާ ވަނީ ފަލަސްޠީނުގެ މިނިވަން ދައުލަތަށް އަޑު އުފުލާފައެވެ.
އިޒްރޭލުގެ ކަލްޗާ މިނިސްޓްރީން ބުނެފައި ވަނީ އެފަރާތުން އިންތިޒާމު ކުރާ އެއްވެސް ޝޯއަކަށް ލިޓްމަންއަށް ދައުވަތު ނުދޭނެ ކަމަށެވެ.
ލިޓްމަންއަށް ޒަޔަނިސްޓުން ފިއްތައި ބިރު ދެއްކުމުން އޭނާ ވަނީ މައާފަށް އެދިފައެވެ. ނަމަވެސް އެފްބީގައި ބައެއް މީހުން ވަނީ އޭނާއަށް ހިތްވަރު ދީފައެވެ. އެމީހުން ބުނެފައި ވަނީ "ކަލޭ ހެދީ ރަނގަޅަށް. އެއީ ދައްކަން ޖެހޭ ވާހަކައެއް. ތެދު ބުނިކަމަށްޓަކައި އަހަރަމެން އުފާކުރަން" ކަމަށެވެ.
