ނިއުޔޯކުގައި ހުންނަ އިޒްރޭލު ބެންކެއްގައި މަސައްކަތް ކުރި މީހަކު ވަޒީފާއިން އިޒްތިއުފާ ދީ ބެންކާ ދެކޮޅަށް ދައުވާ ކުރީ ޔަހޫދަކަށް ނުވީމަ ވަޒީފާގެ މާހައުލުގައި ތަފާތު ކުރާކަމަށް ބުނެއެވެ.
ޗައިނާ ދަރިކޮޅުގެ އެމެރިކާ މީހެއްކަމަށްވާ ޕައުލް ޗައު ބުނަނީ 1993ން ފެށިގެން އިޒްރޭލް ޑިސަކައުންތް ބެންކު އޮފް ނިއުޔޯކުގައި އޭނާ މަސައްކަތް ކުރުމުން އެމީހުން އޭނާ ޔަހޫދަކަށް ނުވީމަ ޕްރޮމޯޝަނެއް ދޭން ބޭނުމެއް ނުވި ކަމަށެވެ.
އޭނާ ބުނީ އޭނާއަށް ލިބޭ މުސާރައާއި އިނާޔަތްތަކަކީވެސް ޔަހޫދު މުވައްޒަފުންނާ އަޅާބަލާއިރު މަދު އެއްޗެއް ކަމަށެވެ.
ޗައު ބުނީ "މަގޭ މައްސަލައަކީ މަހަޔޫދަކަށް ނުވިކަން. ވަރަށް ތަފާތު ކުރާ ބަޔެއް" ކަމަށެވެ.
