ހިއުމަން ރައިޓްސް ވޮޗުން ނެރުނު ރިޕޯޓެއްގައި ބުނެފައި ވަނީ ޣައްޒާގައި އިޒްރޭލުން ހަނގުރާމައިގެ ޖަރީމާތަކާއި އިންސާނިއްޔަތާ ދެކޮޅަށް ޖަރީމާތަކެއް ހިންގާ ކަމަށާއި އޭގެ ތެރޭގައި ނަސްލު ނެތިކޮށްލުމަށް މީހުންނަށް މަޖުބޫރުކޮށްގެން ގެދޮރު ދޫކޮށްލުމަށް ވަޒަނުން ފައްސާލުންވެސް ހިމެނޭ ކަމަށެވެ.
ނިއުޔޯކުގައި ހުންނަ އިންސާނީ ހައްގުތަކާ ބެހޭ ޖަމާއަތުން ބުރާސްފަތި ދުވަހު އާންމުކުރި އާ ރިޕޯޓެއްގައި ބުނެފައި ވަނީ އިޒްރޭލުގެ އަމުރަށް ބޭރުވެގެން ދިޔަ މީހުންވެސް އިޒްރޭލުން ކަނޑައެޅި ސަރަހައްދުތަކުގައި އުޅެނިކޮށް، ބޮން އަޅައި ޝަހީދުކޮށްފައިވާ ކަމަށެވެ.
154 ޞަފްޙާގެ ރިޕޯޓަކީ "ހޯޕްލެސް، ސްޓާވިންގް، އެންޑް ބިސީޖްޑް': އިޒްރޭލްސް ފޯސްޑް ޑިސްޕްލޭސްމަންޓް އޮފް ޕަލަސްޓިނިއަންސް އިން ޣައްޒާ" އެވެ.
އިޒްރޭލުގެ އަމަލުތަކުން ޣައްޒާގެ އާބާދީގެ 90 ޕަސެންޓަށް ވުރެ ގިނަ މީހުން - 1.9 މިލިއަން ފަލަސްތީނު މީހުން - ގެދޮރު ދޫކޮށް ދިޔަ ގޮތް މިރިޕޯޓުގައި ބަލާފައިވެ އެވެ. ފާއިތުވި 13 މަސް ދުވަހުގެ ތެރޭގައި ޣައްޒާގެ ބޮޑު ބައެއް އިޒްރޭލުން ވަނީ ބޮން އަޅައި ފަނާކޮށްފައެވެ.
