ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) ގެ މުވައްޒަފުންނަށް ގުރޫޕް ހެލްތު އިންޝުއަރެންސް ފޯރުކޮށްދޭނެ ފަރާތެއް ހޯދުމަށް އަލުން އިޢުލާން ކޮށްފިއެވެ.
މިއީ ކުރިން ކުރެވުނު އިޢުލާނާ ގުޅިގެން ދެވުނު މަޢުލޫމާތު ކަރުދާހަށް ބަދަލު އައުމާ ގުޅިގެން އަލުން ކުރެވުނު އިޢުލާނެކަމަށް އެމްއެންޔޫއިން މަޢުލޫމާތުދެއެވެ.
މި ބީލަމަށް ކުރިމަތިލާ ފަރާތްތަކުން ހުށަހަޅާ ބީލަމުގެ އަގު 500،000 ރުފިޔާއަށްވުރެ މަތިވާނަމަ، މަޢުލޫމާތު ޝީޓުގައި ބަޔާންކޮށްފައިވާ ގޮތުގެ މަތީން ބިޑް ސެކިއުރިޓީއެއް ހުށަހަޅަންޖެހޭނެ ކަމަށް ޔުނިވަރސިޓީން ވިދާޅުވިއެވެ.
ބީލަން ހުށަހެޅުން އޮންނާނީ 24 ނޮވެންބަރ 2024 ވަނަ ދުވަހުގެ ހެނދުނު 10:00 ގައި ދިވެހިރާއްޖޭގެ ޤައުމީ ޔުނިވަރސިޓީގެ އިދާރީ މަރުކަޒުގައެވެ. ބީލަން ހުށަހަޅަންވާނީ ސިޓީއުރައެއްގައި ބަންދުކޮށް، އޭގެ ބޭރުގައި ބީލަމުގެ ނަމާއި އިޢުލާނު ނަންބަރު އަދި ހުށަހަޅާ ފަރާތުގެ ނަން ލިޔެފާކަމަށްވެސް އެމްއެންޔޫއިން ވަނީ ވިދާޅުވެފައިއެވެ.
ޓެކްނިކަލް ސްޕެސިފިކޭޝަނާ ގުޅޭގޮތުން އިތުރު މަޢުލޫމާތު ބޭނުންވާ ފަރާތްތަކަށް ޔުނިވަރސިޓީގެ ހިއުމަން ރިސޯސް މެނޭޖްމަންޓް ޑިޕާޓްމަންޓާ (3345131) ގުޅުމަށް ނުވަތަ އީމެއިލް (([email protected] ކުރުމަށް އަންގަވާފައިވެއެވެ. އަދި ބީލަމާ ގުޅޭ އިދާރީ މަޢުލޫމާތު ސާފުކުރުމަށް ޕްރޮކިއުމަންޓް އެންޑް އެސެޓް މެނޭޖްމަންޓް ޑިޕާޓްމަންޓާ (3345111، 3345148، 3345110، 3345109) ގުޅުމަށް ނުވަތަ އީމެއިލް ([email protected]) ކުރުމަށްވެސް އަންގަވާފައިވެއެވެ.
މި ބީލަމާ ގުޅޭ މަޢުލޫމާތު ޝީޓާއި ހުށަހަޅަންޖެހޭ ފޯމުތައް އިޢުލާނާއެކު އެޓޭޗްކޮށްފައިވާ ކަމަށް ޔުނިވަރސިޓީން ވިދާޅުވެފައިވެއެވެ. އަދި ބީލަމާ ގުޅޭ އެންމެހައި ކަންކަމުގައި ޢަމަލުކުރެވޭނެ އުޞޫލުވެސް އިޢުލާނާއެކު އެޓޭޗްކޮށްފައިވާ ކަމަށް ބަޔާންކޮށްފައިވެއެވެ.
