ފަލަސްތީނުގެ ޚާން ޔޫނިސްއަށް ސަހްޔޫނީ އިޒްރޭލުން ދިން ޙަމަލާއެއްގައި 21 އަހަރުގެ ފުޓްބޯޅަ ކުޅުންތެރިޔަކާއި އޭނާގެ އާއިލާ ޝަހީދު ކޮށްލައިފިއެވެ.
ޝަހީދުވެފައި ވަނީ ފަލަސްތީނުގެ 20 އަހަރުން ދަށުގެ ގައުމީ ޓީމަށް ކުޅެފައިވާ ޢިމާދު އަބޫ ޠީމާއެވެ. ޢިމާދަކީ އިއްތިޙާދު ޚާން ޔޫނިސް ކްލަބަށް ކުޅެމުން އައި ކުޅުންތެރިއެކެވެ.
މިފަހަރުގެ ވަރލްޑް ކަޕް ކޮލިފައިންގައި ރަނގަޅު ނަތީޖާތަކެއް ނެރެމުން އަންނަ ފަލަސްޠީނުގެ ކަމާބެހޭ އިދާރާތަކުން ހާމަކޮށްފައިވާ ގޮތުގައި އިޒްރޭލުގެ ހަމަލާތަކުގައި ފަލަސްތީނުގެ އެކި އުމުރުފުރާތަކުން 400 އެއްހައި ކުޅުންތެރިން ވަނީ ޝަހީދުވެފައެވެ.
ފަލަސްތީނުން ވަނީ ދުނިޔޭގެ ފުޓްބޯޅައިގެ މައި އިދާރާ، ފީފާއިން އިޒްރޭލު ސަސްޕެންޑް ކުރުމަށް ގޮވާލާފައެވެ. އެކަމަކު ފީފާއިން މިކަމަށް ދީފައި ވަނީ ބީރު ކަންފަތެކެވެ.
