ފަލަސްޠީނުގައި އިންދާފައިވަ ޒަޔަނިސްޓުންގެ ސަރުކާރުގެ ފުލުހުންގެ މިނިސްޓަރު، ތާކިހާއެޅި އިޓާމާރް ބިން ގްރީވް މަގާމުން ދުރުކުރުމަށް ޔަހޫދީ ބަންޑާރަ ނާއިބް ގާލީ ބަހްރާވް މިއާރާ އަންގައިފިއެވެ.
ނަތަންޔާހޫ ވަނީ އެ މައްސަލަ ކެބިނެޓްގައި ބަހުސްކޮށްފައެވެ.
ވަޒީރުން ގޮވާލީ ބަންޑާރަ ނާއިބް މަގާމުން ދުރުކުރުމަށެވެ.
ބެން ގްވީރު ބުނީ ބަންޑާރަ ނާއިބް އުޅެނީ ސަރުކާރާ ދެކޮޅަށް އންގިލާބެއް ގެންނާށެވެ.
ނަތަންޔާހޫ ބުނީ ބަންޑާރަ ނާއިބް ޒަޔަނިސްޓުންގެ ދައުލަތަށް ދުސްތޫރީ މައްސަލައެއް ކުރިމަތި ކުރަނީ ކަމަށެވެ.
ޔަހޫދި ބަންޑާރަ ނާއިބް ބުނަނީ ތާކިހާ ވަޒީރު އިޚުތިސާސުން ބޭރުން ފުލުހުންނަށް އަމުރުތައް ހިންގަނީ ކަމަށެވެ.
އިދިކޮޅު ލީޑަރުންވެސް ވަނީ ތާކިހާ ވަޒީރު ދުރު ކުރަން ޖެހޭ ކަމަށް ބުނެފައެވެ.
އިދިކޮޅު ލީޑަރު ޔާއީރް ލެޕިޑް ބުނީ ހައްދުފަހަނައަޅާފައިވާ ތާކިހާ ވަޒީރަކީ ޔަހޫދުންނަށް ނުރައްކަލެއް ކަމަށެވެ.
އަނެއް ލީޑަރު ޔާއިރް ގޯލާން ބުނީ އޭނާ ހިމަނައިގެން ނަތަންޔާހޫ ހިންގާ ސަރުކާރަކީ ގޭންގް ސްޓައިލަށް ހިންގާ ސަރުކާރެއް ކަމަށެވެ.
ބަހްރާވް މިއާރާ ބުނެފައި ވަނީ އޭނާ ބެން ގްވީރް ވަކިކުރާ މައްސަލަ ހައިކޯޓަށް ހުށަހަޅާނެ ކަމަށެވެ.
ތާކިހާ މަގާމުން ވަކިކޮށްފިނަމަ ނަޔަންޔާހޫއަށް ހައްދުފަހަނައަޅާފައިވާ އުސޫލީ ޔަހޫދީ ސަލަފީ ޕާޓީތަކުންދޭ ސަޕޯޓު ގެއްލިގެން ދާނެއެވެ. އެފަދަ ހާލަތެއް މެދުވެއްޖެނަމަ ނަތަންޔާހޫގެ ސަރުކާރު ވެއްޓޭނެއެވެ. އިޒްރޭލު ބަލިވެ ފަސޭހައިން ރޫޅޭނީ ނަތަންޔާހޫ ވެރިކަމުގައި ހުރުމުންނެވެ.
މި ތާކިހާ ވަޒީރަކީ އިޒްރޭލުގެ ކުރީގެ ބޮޑު ވަޒީރު ރަބީން މަރާލި އަމީރަށް އެކަމަށް ހިތްވަރުދިން މީހާއެވެ. ރަބީނަކީ އޮސްލޯ މުއާހަދާ2 ގައި ސޮއިކުރި ޔަހޫދީ ލީޑަރެވެ. ބެން ގްވީރު ވަނީ އެ ދައުވާއިން ސަލާމަތް ވެފައެވެ.
