އިޒްރޭލުން ހަނގުރާމައިގައި ބޭނުން ކުރާ ޓޭންކަކީ މީރްކާވާ އެވެ. މިއީ މީގެ 50 އަހަރު ކުރިން މިސްރުން އިޒްރޭލު ބަލިކޮށްލި، ރޯދަމަހުގެ 10 ވަނަ ދުވަހުގެ ހަނގުރާމައަށްފަހު ޒަޔަނިސްޓުން ތައްގީ ކުރި ޓޭންކެވެ.
މީރްކާވާ އަކީ ދީނީ ސަގާފީ ނަމެކެވެ. އިބްރާނީ ބަހުން އޭގެ މާނައަކީ: އިލާހީ އުޅަނދެވެ.
މީރްކާވާ ބޭނުން ކުރި ކޮންމެ ތަނެއްގައިވެސް ފަހޭހަ ކަމާއެކު ފަލަސްޠީނު މީހުންނާއި ޙިޒުބުﷲ އިން އެ ޓޭންކު ގޮއްވާލާފައި ވެއެވެ. ހަމާސްއިން މީރްކާވާ ގޮއްވާލަން ބޭނުން ކުރަނީ ޔާސީން 105 ރޮކެޓެވެ. ޣައްޒާގައި 2000 ވަނަ އަހަރު ވެއްދި ޓޭންކުތައް ގޮއްވާލުމުން ފަލަސްޠީނު މީހުންނަށް ވަނީ އޭގެ ދަނގަނޑު ވިރުވައިގެން އާލާތްތައް ހެދުން ބޮޑު ވިޔަފާރިއަކަށް ވެފައެވެ.
2006 ގައި ޙިޒްބުﷲ އިން ވަނީ ގަނޑުކޮށް މީރްކާވާތަކެއް ދެކުނު ލުބުނާންގައި "އޭގައި ތިބި ސިފައިންނާއެކު ފިހެލައި ބާބަކިޔު ހަދާފައި" ކަމަށް ބުނެއެވެ.
މިހާރުވެސް ޣައްޒާއާއި ދެކުނު ލުބުނާންގައި އިޒްރޭލުގައި އުފައްދާ ޓޭންކަށް ދިމާވަމުން ދަނީ ހަމަ އެފަދަ ގޮތެކެވެ.
