އިންސާނުން މަރުވެއްޖެނަމަ އަލިފާން ޖަހައި އަންދާލައެވެ. އެކަމަކު ލޯބިން ގެންގުޅޭ ކާރުގެ އަޖަލު ހަމަވުމުން ޝަރަފްވެރިކަމާއެކު ކައްވަޅު ކޮނެ ވަޅުލައެވެ. މާއްދީ ދުނިޔޭގައި ބުއްދި އިސްކުރުމުގެ އާދަޔާ ޚިލާފް މިސާލެކެވެ.
ޚާލިޤުވަންތަ އިލާހުގެ އެންމެ މަތިވެރި މަޚުލޫޤު މަރާއި ބައްދަލު ކުރާ ހިނދު ހަދާ ގޮތާއި މާއްދީ ދުނިޔޭގެ މުދާ ގަނޑަކަށް ދޭ އިހުތިރާމްގެ ތަފާތު ކަން ފެނި، ހައިރާނެއް ނުވޭ ހެއްޔެވެ؟
އިންޑިއާގެ އަހުމަދުއާބާދުގެ އާއިލާއަކުން މަރޫޓީ ސުޒުކީ ވޭގަން އާރް މަރުކާގެ ކާރު 20 އަހަރު ވަންދެން ގެންގުޅުނެވެ. އާއިލާއިން މި ކާރު ގަތް ފަހުން އެމީހުންގެ މުއްސަނދިކަން އެތައް ގުނައަށް އިތުރިވިއެވެ.
އެހެންވެ ކާރު، ޚިދުމަތުން މުސްކުޅި ކުރުމާއެކު އެމީހުން ބޭނުންވީ ކާރަށް އިޙުތިރާމް އަދާކުރާށެވެ.
ކައްވަޅު ކޮނެފައި، މަލުން ޖަރީކޮށް ކާރު ކައްވަޅަށް ފޮނުވައި ލީއެވެ. ނުހަނު އިހުތިރާމާއެކުގައެވެ.
އިންސާނިއްޔަތަށް ލޮޖިކުން ވިސްނަން ދަސްކޮށްދިން، އަދި މިހާރު ބޭނުން ކުރާ ވިޔަ އަދަދު ޖަހަން ދަސްކޮށްދިން ޙަޟާރާގެ ދަރިފަސްކޮޅުން މަދުނޫން އަދަކަށް އާދަޔާ ޚިލާފް ކަންކަން ފެނިގެން ދެއެވެ. ޓްރަމްޕުގެ ބުދު ބަހައްޓައިގެން ފައްޅިއެއް ހަދައި އަޅުކަންވެސް ކުރިއެވެ.
މިހިނދު ޓްރަމްޕަކީ، އެހެން އިންސާނުންނެކޭ އެއްފަދައިން، ބަލިވެ، ބޭރަށް ހިނގައި، ނަޖިސް ބޭރުވެ، އެއިން ތާހިރުވާން ޖެހޭ އިންސާނެއްވެސް މެއެވެ!
