އިސްރާއީލުން ސީރިއާއަށް ދޭ ހަމަލާތައް އިތުރުކުރަނީ ކީއްވެގެން ހެއްޔެވެ؟ މިއީ މިހާރު އަސްކަރީ ތަޖުރިބާކާރުން އެންމެ ބޮޑަށް ބަހުސް ކުރަމުންދާ އެއް މައުޟޫއެވެ.
އިސްރާއީލުން ސީރިއާއަށް ދޭ ހަމަލާތައް އިތުރުކުރުމުގެ ފަހަތުގައި ގިނަ ސްޓްރެޓެޖިކް ކަންތައްތަކެއް ހުރި ކަމަށް އަސްކަރީ ތަހުލީލު ކުރާ ތަޖުރިބާކާރެއް ކަމުގައިވާ އެލިޖާ މަންޖިއާ ދެކިވަޑައިގަންނަވައެވެ.
"އިސްރާއީލުން ދެކެނީ ސީރިއާގައި އީރާނުގެ ނުފޫޒު ބޮޑުވުމަކީ އެގައުމުގެ ގައުމީ ސަލާމަތަށް ސީދާ ނުރައްކަލެއްގެ ގޮތުގައި،" ބްރަސެލްސްގައި ދިރިއުޅޭ އަސްކަރީ އަދި ސިޔާސީ ތަހުލީލުކުރާ އެލިޖާ މަންޖިއާ އަލްޖަޒީރާއަށް ވިދާޅުވި އެވެ.
އީރާނުން އަންނަނީ ސީރިއާ މެދުވެރިކޮށް ލުބުނާނުގެ ހިޒްބުالله އަށް ސަޕްލައި ލައިން މެނޭޖް ކުރަމުން ކަމަށާއި އެ ސަރަހައްދުގައި އެ ޖަމާއަތަށް ހަތިޔާރު އުފައްދައި ޓްރާންސްފާ ވެސް ކުރަމުންނެވެ.
މަންޖިއާ ވިދާޅުވީ އިސްރާއީލުގެ އަމާޒަކީ ސީރިއާގައި "ޑިޓަރެންސް ޕޯސްޗާ" އެއް ދަމަހައްޓަން ކަމަށެވެ. "އެމީހުން [އަމާޒަކީ] މުޅި ސަޕްލައި ލައިން ހަލާކުކޮށްލުމެއް ނޫން. އެކަމަކު އެކަމަށް ބުރޫއެރުވުން" އެލިޖާ މަންޖިއާ ވިދާޅުވިއެވެ.
އެލިޖާ ވިދާޅުވީ އިޒްރޭލުގެ ހަމަލާތަކަށް ސީރިޔާއިން ރައްދު ހަމަލާ އިޒްރޭލަށް ނުދޭނެކަން، އިޒްރޭލުގެ އަސްކަރިއްޔާ އިސްކޮމާންޑަރުން ގަބޫލު ކުރާ ކަމަށެވެ.
“އިސްރާއީލުން ސީރިޔާއަށް ހަމަލާ ދެމުން ކުރިއަށް ގެންދަނީ ސީރިއާ އިން ބަދަލު ނުހިފާތީ. ސީރިޔާއިން މަސައްކަތް ކުރަމުން ދަނީ އިޒްރޭލާ ދެކޮޅަށް ސީދާ ކުރިމަތިލުމަކަށް ނުދާން. ހަގީގަތުގައި މިއީ ސީރިޔާއަށް ދޭ ހަމަލޭތައް މެދުނުކެނޑި އިޒްރޭލަށް ދޭން ކެރޭ ސަބަބު" އެލިޖާ ވިދާޅުވިއެވެ.
