ސަހްޔޫނީ އިސްރާއީލުގެ އަސްކަރިއްޔާއިން ބެއިޓް ލަހިޔާގެ ގެތަކަށް ބޮން އެޅުމުގެ ސަބަބުން މަދުވެގެން 3 މީހުން ޝަހީދުވެފައިވާ ކަމަށް އަލްޖަޒީރާއިން ބުނެފިއެވެ.
ޣައްޒާގެ އުތުރުގައި އޮންނަ ބެއިޓް ލަހިޔާ ސިޓީއަށް އަމާޒުކޮށްގެން އިސްރާއީލުން ދިން ހަމަލާތަކުގައި ތިން މީހަކު ޝަހީދުވުމުގެ އިތުރުން ގިނަބަޔަކު ޒަޚަމްވެފައިވާ ކަމަށް އަލްޖަޒީރާއިން ރިޕޯޓް ކުރެއެވެ. ޒަޚަމްވި މީހުންގެ ތެރޭގައި ކުޑަކުދިންވެސް ހިމެނެއެވެ.
އިސްރާއީލުގެ އަސްކަރިއްޔާއިން ބޮން އެޅީ މޫސާބު ބިން އުމައިރު މިސްކިތް ކައިރީގައި ހުރި މީހުން ދިރިއުޅޭ ގެ ތަކަށެވެ.
އިސްރާއީލުގެ ސިފައިން ޣައްޒާގެ އުތުރުގެ އެހެން ސަރަހައްދުތަކުގެ ގެތަކަށް ވެސް ހަމަލާ ދެމުންދާއިރު، ޚާއްސަކޮށް ޖަބަލިއާ ކޭމްޕަށް އަމާޒުކޮށް ހަމަލާތައް ވަރުގަދަ ކުރަމުންދާ ކަމަށް ފަލަސްތީނުގެ ވަފާ ނިއުސް އިން ރިޕޯޓް ކުރެ އެވެ.
ޣައްޒާގެ އުތުރުން ސަޔްހޫނީ ސިފައިން ދަނީ ލުބްނާނުގެ ވެރިރަށް ބެއިރޫތަށްވެސް ވައިގެ މަގުން ހަމަލާ ދެމުންނެވެ. ރޭ ދިން ހަމަލާތަކުގައި ސިއްހީ 12 އޮފިޝަލުން ޝަހީދުވެފައިވާ ކަަމަށް ލުބްނާނުގެ ކަމާބެހޭ އިދާރާތަކުން ހާމަކުރައްވައެވެ.
