ބެންކޮކްގައި ހޫޕިން ކެއްސުން ފެތުރިގެން ދިއުމާ ގުޅިގެން މިނިސްޓްރީން ހެލްތު އެލާޓް ނެރެފި އެވެ
ސަރުކާރުގެ ތަރުޖަމާނަކު ބުރާސްފަތި ދުވަހު ވަނީ ދަރިންނަށް ސްކޫލުގައި ކެއްސުން ޖެހިދާނެތީ ބެލެނިވެރިންގެ ބިރު ފިލުވައިދީ، ބަލި ކޮންޓްރޯލް ކުރުމަށް ކަމާބެހޭ ފަރާތްތަކުން ވަރަށް ގާތުން ބަލަމުންދާ ކަމަށް ބުނެފަ އެވެ.
ސަރުކާރުގެ ނައިބު ތަރުޖަމާނު ކަރޮމް ޕޮލްޕޯންކްލަންގް މީޑިއާއަށް ވިދާޅުވީ ދައުލަތުގެ ކަމާބެހޭ އިދާރާތަކުން އިންފެކްޝަންތައް މޮނިޓަރ ކުރަން ފެށީ ބެންކޮކްގެ ޑެމޮންސްޓްރޭޝަން ސްކޫލަކުން ކުޑަކުދިންގެ ތެރެއިން ބަލި ފެނުނުކަން އެނގުމުންނެވެ.
އޮކްޓޯބަރު 29 އާއި ނޮވެމްބަރު 12 އާ ދެމެދު ދެ ދަރިވަރަކު ބަލި ޖެހިފައިވާކަން ފެނުމުން ބުދަ ދުވަހުން ފެށިގެން ނޮވެމްބަރު 27 އަށް ކްލާސްތައް ކެންސަލް ކުރަމުން އަންނަ ކަމަށް ސްރީނަކަރިންވިރޯޓް ޔުނިވާސިޓީ ޑިމޮންސްޓްރޭޝަން ސްކޫލް ޕަތޫމްވާން އިން އަންގާރަ ދުވަހު އިއުލާންކޮށްފި އެވެ.
ހޫޕިން ކެއްސުމަކީ ބެކްޓީރިއަލް އިންފެކްޝަނެއްގެ ސަބަބުން ކެއްސާ ކެއްސުމެކެވެ. މި ބެކްޓީރިއާގެ ސަބަބުން ފުއްޕާމެޔާއި ނޭވާލާ ހޮޅިއަށް ގެއްލުން ލިބޭކަން ދިރާސާތަކުން ދައްކައެވެ.
