ރާއްޖޭގެ ކަނޑުގެ ސަރަހައްދަށް ގަވައިދާ ހިލާފަށް އެތެރެވި ބޯޓެއް ޑްރޯންގެ އެހީގައި ހޯދައި، އެމްއެންޑީއެފް ކޯސްޓްގާޑުން ހިފަހައްޓައިފިއެވެ.
އެމްއެންޑީއެފުން ބުނީ، ރާއްޖޭގެ ކަނޑުގެ ސަރަހައްދުން އެ ބޯޓު ހޯދާފައިވަނީ އެއާ ކާގޯ ޑްރޯން އަދި އެމްއެންޑީއެފް ކޯސްޓްގާޑުން ގުޅިގެން ހިންގި އޮޕަރޭޝަނެއްގެ ތެރެއިން ކަމަށެވެ.
އެމްއެންޑީއެފްގެ އެކްސް އެކައުންޓްގައި ޑްރޯނުން ނަގާފައިވާ ފޮޓޮއަކާ އެކު ހިއްސާކުރި މައުލޫމާތުގައިވާ ގޮތުން، އެ ބޯޓު ހިފަހައްޓާފައި ވަނީ މިއަދު ހަވީރުގެ ވަގުތެއްގައެވެ.
އެމްއެންޑީއެފުން ބުނީ އެ ބޯޓް އިންޓަސެޕްޓް ކުރުމަށްފަހު މިހާރު ކޯސްޓްގާޑްގެ ބެލުމުގެ ދަށަށް ގެންގޮސްފައިވާ ކަމަށެވެ.
ނަމަވެސް އެ ބޯޓާ ގުޅޭ އިތުރު ތަފްސީލެއް އެ ފަރާތަކުން ދީފައެއް ނުވެއެވެ.
