މި ޕްލޭން ފަރުމާކޮށްފައިވަނީ މި ޕްލޭންގެ މައިގަނޑު މަޤުޞަދުތައް ހާސިލުކުރުމަށް ކަނޑައަޅައިފައިވާ އަމާޒުތަކާއި އެ އަމާޒުތަކަށް ވާސިލްވުމަށް އެކުލަވައިލައިފައިވާ އިސްތިރާޖުތަކާއި ފިޔަވަޅުތަކުގެ މަށްޗަށެވެ. މިގޮތުން، މި ޕްލޭންގެ މައިގަނޑު 5 އަމާޒަކީ:
(1) ދިވެހިރާއްޖޭގައި ކުރެވޭ ދިރޭކުދިމަހުގެ މަސްވެރިކަމާއި، މަސްވެރިކަމާ ގުޅުންހުރި ޙަރަކާތްތަކަކީ އިކޯސިސްޓަމް-ބޭސްޑް މެނޭޖްމަންޓާއި، ޕްރިކޯޝަނަރީ އެޕްރޯޗް އަދި ދެމެހެއްޓެނިވި ގޮތެއްގައި ވަސީލަތްތައް ބެލެހެއްޓުމުގެ އުސޫލުތަކާ އެއްގޮތަށް ހިންގާ ހަރަކާތްތަކެއްކަން ކަށަވަރުކުރުން؛
(2) ދިރޭކުދިމަހުގެ މަސްވެރިކަމާއި އެ މަސްވެރިކަމާ ގުޅުންހުރި ވަސީލަތްތަކާ ގުޅޭ ޙަޔަވީ، އިޖުތިމާޢީ އަދި އިޤުތިޞާދީ މަޢުލޫމާތަށް ބިނާކޮށް ސިޔާސަތުތައް އެކުލަވައިލުން؛
(3) ދިރޭކުދިމަހުގެ މަސްވެރިކަމާއި ވިޔަފާރި މޮނިޓަރކުރުމާއި ކޮންޓްރޯލްކުރުމާއި ސަރވޭލަންސްއާ ބެހޭ ނިޒާމު ތަންފީޛުކޮށް، ދިރޭކުދިމަހުގެ މަސްވެރިކަމާއި ވިޔަފާރީގެ މަޢުލޫމާތު އެއްކުރުމާއި ރިޕޯޓުކުރުން ހަރުދަނާކުރުން؛ އަދި
(4) މަޞްލަޙަތުވެރިންނާއި އެންމެހައި ފަރުދުންގެ މެދުގައި ދިރޭކުދިމަހުގެ މަސްވެރިކަމުގެ ވަސީލަތްތަކާއި މަސްވެރިކަމާމެދު ހޭލުންތެރިކަން އިތުރުކުރުން.
